ارفعوا الحرج عن بعضكم البعض

إيمان العادلى

وامنعوا الزيارات العائلية.. والخروج والمقابلات تحت أى سبب..

اعتادوا على رفض الزيارات.. الفيروس منتشر بشدة..

وخطورته إنه كامن لفترات طويلة..

يعنى انت حامله وماشى بيه.. ورايح عند حد ملهوش ذنب.. ومش عاوز يقابلك ولا يشوفك أصلاً.. الكل خايف على نفسه وأهله..

نرحم بعضنا.. مفيش حاجة اسمها (عيادة مريض.. ولا صلة رحم.. ولا عاوزه فى موضوع .. ولا مصلحة.. ولا حاجة مهمة.. واحشك.. مخنوق ورايح تتسلى.. تعيد عليه.. تبارك له جوازه..)..

(دفع الضرر مقدم على جلب المنفعة)..

عندك الموبايل صوت وصورة وفيديو لايف..

 

وما تزرش حد مفاجأة.. (كنت جنبك وقلت أطلع اسلم عليك)..

يقول تعالى (يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا)

 

وما يزعلش لو حد قاله .. انا خايف على نفسى أو على أبويا وأمى وولادى..

يقول تعالى (وَإِن قِيلَ لَكُمُ ارْجِعُوا فَارْجِعُوا ۖ هُوَ أَزْكَىٰ لَكُمْ)

وفى نفس الوقت يستاهل الاحراج.. لأنه مستهتر وعديم المسؤولية وغير مرغوب فيه. إحنا فى ظرف خطير وخطير جدا..

جبر الخاطر فيه مدمر لأرواح ..