الغريبة

الغريبة

إيمان العادلى

طريقة عمل الغريبةبالمقادير والاكواب المعيارية
كوب سمن حيواني لين مائل للبرودة
نص كوب سكر بودرة
رشة فانيلا
كوبين وربع ويمكن اكتر شوي طحين
ملعقة كبيرة قطر سميك وبارد

قبل ما أخفق السمنه بشيل مقدار ملعقتين كبار منها وبخليهم ع جنب وبخفق باقي المقدار حتى تصير كريمية وبيضا بضيف السكر البودرة وبضل بخفق حتى يصير الخليط فاتح وكريمي .

بضيف الطحين شوي شوي وبعجن بالمضرب شكل k او بالايد بعدين بضيف القطر وبدعكها بإيدي شوي لتتشربو وبدخلها البراد 3 ساعات بعدين بطالعها رح تكون بارده وجامده برجع بعجنها بالمضرب k مع ملعقتين السمنه اللي شلتهم بالاول .

باخد مقدار صغير من العجينة وبعملو رول رفيع وبرجع الباقي فورا للبراد لأن لما منشتغل فيها لازم تكون بارده والا بتفرط العجينة وما بتتشكل معنا .

بقسم الرول لقطع صغيرة متساويه وفينا نشكلها كرات ونحط عالوج حبة فستق وبخبزها بفرن محمى مسبقا عال 160 لمده ما تزيد عن 10 دقايق حتى يزهر لونها من تحت بس وفي ناس بتحب تحمرها من فوق انا بحب خليها بيضا
.
.