العاصمة

أفتكاسات زوج صايم

0

إيمان العادلى

ألهام وممدوح

ممدوح زوج مصرى أصيل زى أى زوج بس الحظر عمل عمايله معاه وغير شوية من صفاته

خلاه زهقان وطهقان وبالتالى فكر يعمل أيه يسلى بيه صيامه والحظر كمان فقرر يدخل المطبخ ويعملنا أفتكاسات وحورات

إلهام بقى يا عينى عليها زوجه مصرية عسولة ومتحملة جوزها وعمايله

ما هو محظور يا حبة عينى والست الشاطرة تتحمل جوزها فى حظره وصيامه

أما بقى رهف وخالد ف هما بونبونى البيت وبرضه البنزين اللى بيولعوا بينهم

عموما حسيبكم كل يوم تتابعوا عمايلهم

 

إلهام : صباح الخير يا حبيبى اصحى بقى العصر قرب يأذن هو ده الصيام برضه

ده أنا بصحى كل يوم من الصبح بدرى ولا فارق معايا صيام ولا غيره

ياعينى علينا بقى الستات فى الصيام والله لنا الجنة يا روحى

ممدوح يا حبيبى اصحى وفوق بقى عاوزين طلبات للبيت علشان اجهز الاكل

الساعة 2 الظهر أهو ولسه مش عارفة حعمل ايه أكل

ممدوح : إعملى أى حاجة موجودة فى التلاجة مكسل انزل والله حاسس انى مرهق

إلهام : يوووه انت كده علطول يا حبيبى كسلان علطول فى الصيام

بص هات لنا فراخ علشان الولاد مبيحبوش اللحمة

ممدوح : يووه عليكى انتى ما ياكلوا اى حاجة من الموجود

دلعك ده حيتلف الولاد

إلهام : حرام عليك يا ممدوح دول صايمين طول اليوم

ممدوح : ما هما نايمين يعنى شايفهم طول اليوم بيتعبوا

إلهام : ماشى يا حبببى انت كده علطول

خلاص حعمل كباب حلة ومكرونة

ممدوح : مكرونة ايه محدش بياكلها فى الصيام وبتترمى

ولا هو اكل وخلاص

إلهام : طيب ماشى بلاش مكرونة

حعمل الاكل وبعدين اعمل صينية كنافة تستاهل بقك يا حبيبى

ممدوح : لا لا متعمليش سيبيها انا حعملها

بكرة بقى نعرف ممدوح وألهام والحلقة التانية عملوا ايه


اكتشاف المزيد من بوابة العاصمة

اشترك للحصول على أحدث التدوينات المرسلة إلى بريدك الإلكتروني.

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار
حريق سنترال رمسيس.. تنظيم الاتصالات: استعادة وانتظام الخدمات خلال 24 ساعة واستخدام سنترالات بديلة حريق سنترال رمسيس: النيران تشتعل مجددا بالطابق السابع حريق سنترال رمسيس.. جهاز تنظيم الاتصالات: بدء مرحلةً التبريد ونقل حركة الإنترنت إلى سنترال الروضة وزارة الطيران تعلن تأثر حركة الطيران بسبب حريق سنترال رمسيس حريق سنترال رمسيس.. اتصالات النواب: عودة خدمات الإنترنت والاتصالات على مراحل خلال ساعة محافظ القاهرة يؤكد على استمرار إجراءات التعامل مع العقارات ذات الخطورة الداهمة والآيلة للسقوط و حصره... محافظة القاهرة احتفلت بعيدها القومي ذكرى مرور ١٠٥٦عام على تأسيسها علي يد القائد جوهر الصقلي عام 969 ... رئيس هيئة النيابة الإدارية يستقبل رئيس المحكمة الدستورية العليا، ووفدًا من السادة المستشارين نواب رئ... وزير الصناعة والنقل يستعرض مع مصنعي السيارات التعديلات الجديدة في البرنامج الوطني لتنمية صناعة السيا... بيان إعلامي من الهيئة القومية لسكك حديد مصر عن مسير قطار رقم 906 (VIP) القادم من الإسكندرية للقاهرة