وصفات العاصمة

 البطه فى الكيس الحرارى ومحشيه فريك  وفريك بالبشاميل

إيمان العادلى

مده التحضير: ١٥دقيقه

مده الطهي: ٦٠دقيقه وعلى حسب حجم البطه

المكونات

بطه متنظفه كويس ومغسوله بالملح والدقيق والليمون

كيلو فريك متنظف كويس ومنقوع فى ماء ساخن لمده ساعتين

بصل مفروم?

كيس حرارى

زبيب على حسب الرغبه

جزر

بطاطس

بصل

معلقتين كاتشب

التتبيلة بتاعت البطه

طماطم

بصل

ملح وفلفل اسود وبهارات السبع

ورق لورا وحبهان

معلقه سكر

معلقه خل وليمونه

لعمل البشاميل

كيلو لبن  وخمس معالق دقيق

 الطريقه

اولا هنعمل تتبيله البطه في الخلاط طماطم وبصل ومعلقه خل ومعلقه سكر وحبهان ورق لورا وليمونه هنتبلها ونسيب شويه نضيف عليهمم معلقتين كاتشب ندهن بيهم البطه من برا

تانى خطوه فى أنا على النار معلقتين زيت ونضيف البصل والملح والفلفل الاسود والبهارات السبع ونشوحهم شويه ونضيف عليهم الفريك مع التقليب ونضيف نصف كوب زبيب مع التقليب هاخذ نصف الكمية احشى بيها البطه احشيها وهضفها فى الكيس الحرارى مع الجزر والبطاطس وبصل ورق لورا والنصف التانى هكمل سوى الفريك هضيف كوب ماء لحد ما ينضحك وهعمل البشاميل وهضيف الفريك فى الصنيه وعليه البشاميل ويدخل الفرن