نصائح العاصمة

إيمان العادلى

١-الكرنب. : عندك قرحة المعدة أو تسريب معوي أو قرحة الأثنى عشر أو قرحة القولون أو مشاكل جدار الجهاز الهضمي ومحتار في علاج حاجة فيهم .. تضرب ٣/٤ منه مع ١/٤ جزر ومايه في الخلاط يومياً .. وهتشوف النتيجة ..

٢- المخلل : مش وحش لا .. طول ما أنت مقلل الملح منه هيكون مفيد ليك عشان الخمائر الطبيعية اللي فيه ..

٣- شوية كراوية على كمون في إيدك كدة لو عندك إنتفاخ .. ووراهم كوباية خل تفاح بالطريقة اللي أتفقنا عليها وتمام كدة جداً مش محتاج حاجة تاني ..

٤- جزر : تعمله عصير ومعاه برتقال وعليهم معلقة عسل .. ياربي على طعمه الحلو وفايدته للعين والنظر رهيبة ..

٥- البنجر : لو عندك أنيميا كتر منه .. مرة تعمله عصير .. مرة تاكله مسلوق .. مرة تقطعه على السلطة .. المهم تستفيد منه ..

٦- السبانخ أو الكبدة : كفاية أقولك إن فيهم كمية حديد تخلي جسمك حديد بجد من غير مجهود ..

٧- البطاطا : إشتريها وخليها في البيت وكل ما يجيلك مغص ولا يجيلك وجع القولون المزعج دة أشويلك آتنين في الفرن ..

٨- الباذنجان : مفيد جنب البنجر للأنيميا .. ومفيد أكتر للتنميل وألتهاب الأعصاب .. مزعج بس لو عندك ألتهاب مفاصل

٩- الطماطم : لو عندك إلتهاب في البروستاتا اللي عدم علاجه بيؤدي لقدر الله لفشل كلوي .. كُل طماطم كتير وأشرب ليمونة في الخلاط وأتسلى بعدهم بـ لب أبيض من غير ملح ..

١٠- الخيار : لو لاقيت لون البول عندك غامق من أول أسبابه نقص في سوائل الجسم والخيار أحسن واحد هو والماء يعوضولك نقص السوائل دة ..

١١- البامية : مريض سكر ؟ خليها أكلتك المفضلة بكل بساطة ..

١٢- البطاطس : بتطبطب على ألتهابات قولونك بطريقة غريبة .. طبعاً قصدي هنا المسلوقة فقط !

١٣- البصل / الثوم / الفجل / البروكلي : دول بقى جنب الأكل .. مسلوقين .. مشويين .. في شوربة .. مالكش غنى عنهم تمااااماً ..

هتستفيد إيه من كل الرصه اللي فوق دي .. إنك تطبق اللي “أبقراط” قاله (غذائك دوائك) .. وكله من مطبخك ..