العاصمة

قصيدة (يا وطن)

0

شعر ولاء حجازى
آه يا وجع ساكن فكل الأفئدة
الحزن طال كل الوطن والأوردة
غطى سواد الليل شوارعك ياوطن
ده ربيعنا قرب يختفي بالشكل ده
شيطايين ليه باقية لسة فوسطنا
عمالة تسحب كل يوم روح مننا
ليه كل ما دروب الأمل بتضمنا
نصحي نلاقي رصاص الغدر فقلبنا
ورصاصه خاين زارع فتاين وسطنا
ليه الحروب وسط الدروب ليه العدا
ولإمتى يوميا شهيد هيلبي ليكى الندا
ولا حد عارف يوم يداوى فجرحنا
طب مين يعوض أم الشهيد عن ابنها
أو راح يصبر يوم عيلتها عن حضن كان بيضمها
فوق ياوطن وارفع سلاحك ضد اللى خاين والعميل
اقرأ تاريخك جدد كفاحك قواتنا ماتعرف مستحيل
عايزينها تخرب لا والله ابدا راح تعمر أكتر
عايزينها تضعف لا والله ابدا راح تقوى أكتر
لو مين هيقدر علي مصر يوم فالله أكبر
ده الروح بترخص لأجل الوطن ووطنا غالى
طول عمره شامخ نجمه طالع فالعلالي
م احنا أحفاد الفراعنة اللى طردنا كل غازى
ولا عمر يقدر يوم علينا أى استعمارى أو انتهازى
لو مات شهيد أو ميت شهيد مليون شهيد
فشهادته عيد ع الجنة طاير قلبه سعيد
عايش بروحه فقلبنا ضحي لأنه مننا
لأجل الوطن ولأجل ما نعيش كلنا
تعيشي يامصر لو حتى هنموت كلنا


اكتشاف المزيد من بوابة العاصمة

اشترك للحصول على أحدث التدوينات المرسلة إلى بريدك الإلكتروني.

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار
بيت الكنوز يُطلق نسخته الـ11 لمهرجان "الطفولة فوق العادة" بتكريم المواهب الاستثنائية محامي وفاء عامر عن أخبار سفرها للخارج: الفنانة في منزلها.. وسنقاضي مروّجي الشائعات حبس مقدمة المحتوى «أم سجدة» 4 أيام بتهمة نشر مقاطع خادشة للحياء على مواقع التواصل سفير مصر في السعودية: إقبال ملحوظ للتصويت بانتخابات مجلس الشيوخ منذ أمس المحكمة الدستورية العليا تبطل رسوم رسو العائمات السياحية: قرار وزير الري انتحل اختصاص المشرع ترامب: علينا أن نكون مستعدين عند الحديث عن الأسلحة النووية نفى مصدر أمنى جملةً وتفصيلاً صحة ما تم تداوله على إحدى الصفحات التابعة لجماعة الإخوان الإرهابية بموا... إستمراراً لجهود أجهزة وزارة الداخلية لحماية جمهور المستهلكين وإحكام الرقابة على الأسواق إستمراراً للضربات الأمنية لجرائم الإتجار غير المشروع بالنقد الأجنبى والمضاربة بأسعار العملات وزارة الداخلية تواصل حملاتها المرورية بكافة الطرق والمحـاور على مستوى الجمهورية ..