وصفات العاصمة
إيمان العادلى
احسن طريقه لسلق الفراخ وانسوا اي طريقه تانيه
المكونات
بصلايه وطماطمايه متقطعين
وعليهم ملح فلفل
اسود وخمس فصوص حبهان وخمس ورقات من ورق اللورا
نغسل الفراخ كويس جدا بالميه الجاريه ونشيل منها اي حاجه ملهاش لازمه وندعكها بمعلقه دقيق ولو عندك وقت انقعيها
نص ساعه في لترين ميه عليهم معلقه كبيره ملح وعصير لمونه مع القشر بتاعها
نسيب الفرخه تتنقع شويه علي بال مانحضر الخلطه اللي فوق دي ونقلبها كلها علي بعض ونسيبها مع بعض عشان البصل والطماطم تتبل ونخلي بالنا نكون فاتحين فصوص الحبهان عشان نخرج منها كل النكهه والطعم
هنحط الحله فيها ميه وملح ونسيبها علي النار علشان تغلي
وبعد النص ساعه ناخد الفراخ من محلول النقع ده نشطفها عشان الدقيق و نتبلها بالخلطه اللي عملناها سوا
ندخل الخلطه بقا بين الجلد وفي بطن الفرخه وعند الرقبه وندعك الجلد كويس
نسقطها في الحله بعد ما الميه تغلي كويس اوي
ونغطي عليها ونسيبها تغلي علي نار عاليه لمده عشر دقائق وبعدين خلي النار متوسطه لحد ما الفراخ تستوي بقا
ودوقي احلي فراخ واحلي شوربه
