نصائح العاصمة

 

إيمان العادلى

 

البقوليات بروتين نباتي ممكن الحصول عليه بدل البروتين الحيواني اللى فيه مستوى عالي من الكولسترول والدهون، وكمان غنية بفيتامينات صحية ومعادن، زي الحديد والزنك والماغنيسيوم.. الدراسات أكدت على دور البقوليات في مكافحة أمراض السرطان بأنواعها زي سرطان القولون والمستقيم والفم وغيره..

 

أهم فوائد البقوليات

 

-الحمص: بيساعد في تقليل خطر الإصابة ببعض أنواع السرطان زي سرطان القولون والمستقيم لأنه بيحارب السموم الناتجة عن تراكم البكتيريا الضارة وفيه مركبات واقية من السرطان ويحتوي علي فيتامين K والزنك والمغنيسيوم والمنجنيز والكالسيوم.

 

-الفول: بيقوي الجهاز المناعى وبيرفع مقاومة الجسم ضد الأمراض المختلفة، وبيقاوم أمراض السرطان وخاصة سرطان الفم.

 

العدس: يحتوي على مادة السيلينيوم، وهو من المعادن اللى بتساعد على التخفيف من الالتهابات، والتقليل من نمو الأورام السرطانية، وتحسين صحة وردود أفعال الجهاز المناعي، وتقوية إنتاج خلايا تحارب الأمراض، وبيساعد على تخليص الجسم من المواد اللى بتسبب السرطانات، ويحتوي على الألياف الغذائية اللى بتقلل فرص الإصابة بسرطان القولون والمستقيم.

 

-البسلة: فيها نسبة عالية من مضادات الأكسدة، وده اللى بيخليها من الأكلات التي بتساهم بشكل كبير في تقليل فرص الإصابة بمرض السرطان.

 

-الفول السوداني: غني بمادة البيتا-سيتوستيرول اللي بتساعد على منع نمو الأورام، وكمان مادة الفتوسترولس اللى بتحمي من نمو الأورام.