نصائح مهمه للمطبخ

إيمى عاطف

🔸️عند غسل البامية:

ضعى معلقة من الخل مع الميه وأنقعى البامية عشر دقائق للتخلص من بواقى المبيدات وممكن نستخدم بدل الخل معلقة صغيرة من الكربوناتو أقوى من الخل.

🔸بعد غسل الكبد والقوانص:

يجب وضعها فى مصفى حتى نتخلص من الماء التى تسبب زفارة حتى لو أتغسلت كويس جدا👌

🔸 عند تحضير البانيه:

ضيفي معلقة نشا + معلقتين دقيق على البقسماط، هيساعدوا إنه ما يتحرقش ويطلع لونه ذهبي ومقرمش 👌

🔸 في سلق الفراخ:

الملح يتحط من الأول مع التوابل،

أما اللحمة نسلقها بالتوابل بس ونضيف الملح في آخر التسوية علشان تفضل طريّة.

🔸 البامية تفضل ماسكة نفسها:

اعصري نص ليمونة أثناء التسوية ومش هتفتح معاكي 🍋

🔸 وفّري وقتك:

افرمي كمية ثوم وخزّنيها في الفريزر، هتسهل عليكي كتير 👌

🔸 الخضار صحته أكتر:

اغسليه الأول وبعدين قطعيه علشان يحافظ على قيمته الغذائية 🌿

🔸 السمك الكبير:

اعملي فيه فتحتين بالسكينة عشان يتتبل كويس ويستوي من جوه.

🔸 عند تحمير اللحمة بالسمنة:

رشة ملح بسيطة تمنع الطرطشة نهائيًا.

🔸 الفيشار بطعم مختلف:

حطي باكو فانيليا وشوفي الريحة والطعم 👌🍿

🔸 لفك تجميد الفراخ بسرعة:

حطيها في مية عادية مع رشة ملح.

🔸 مقادير مظبوطة:

• الأرز باللبن: لكل لتر لبن كوب أرز

• المهلبية: لكل كوب لبن معلقة صغيرة نشا

🔸 الكيك والمعجنات:

معلقة كبيرة خل تعتبر مُحسّن طبيعي يخليهم هشّين وطريّين.

🔸 الكفتة واللحمة المفرومة:

كل كيلو لحمة حمرا صافي عليه ربع كيلو دهون عشان الطعم يطلع مظبوط.

🔸 المعجنات الناجحة:

استخدمي خميرة البيرة (الخميرة الفريش) ودوّبيها في شوية مية دافية قبل العجن.

🔸 لو العجينة فيها لبن أو زبادي:

استخدمي الاتنين مع بعض وهتلاحظي فرق رهيب في الهشاشة والطعم.

🔸 حفظ الجبنة البيضاء:

اغلي مية وضيفي عليها 2 معلقة كبيرة لبن بودرة، وبعد ما تبرد حطي الجبنة فيها وتعيش في التلاجة لحد 3 شهور.

🔸 الحبهان:

اضغطي عليه بالسكينة قبل الاستخدام علشان يطلع نكهته القوية في الأكل.