نصائح للمطبخ

إيمى عمرو

🔷 عند غلى اللبن:

ضعى معلقة ميه فى الحلة وانزلى عليها باللبن حتى لا يلتزق اللبن فى قاع الحلة بعد ما يغلى.

 

🔷 عند فك تجمبد اللحوم:

ضعي اللحمة داخل كيس محكم الغلق جيدًا. ضعي الكيس في وعاء به ماء بارد، وليس ساخنًا. غيّري الماء كل 20 إلى 30 دقيقة للحفاظ على درجة حرارته. حسب حجم القطعة، هتبدأ تسيح بشكل أسرع من تركها في المطبخ.

 

🔷 عند تحمير الفراخ:

ضعى فى الطاسة معلقة من الملح مع قطعة سمنة وشوية زي علشان جلد الفراخ لا يلتصق فى الطاسة.

 

🔷 عند تقطيع الكبدة:

لبسى لوح التقطيع كيس بلاستيك وبعد تقطيع الكبدة أو أى لحوم أرمى الكيس وأغسلى لوح التقطيع هيبقى أسهل فى التنظيف.

 

🔷 عند عمل كفتة الرز:

عشان كفتة الرز تفضل متماسكة وماتفكش منك، ضيفي عليها شوية شعرية وهي بتتعجن.

 

🔷 عند عمل البامية:

بعد ما تخلصي طاجن البامية، اعملي له طشة توم وفلفل وكزبرة في سمنة أو لية، ورشي عليها كزبرة خضراء.

 

🔷 عند عمل السبانخ:

علشان السبانخ متسودش، اسلقيها على البخار وسيبيها تتصفى، وبعدين ضيفيها على التسبيكة يا دوب تاخد غلوتين بس واطفي.

 

🔷 العيش البلدي:

عشان العيش ميعفنش، يتهوا نص ساعة على قماشة لحد ما ينشف شوية، وبعدين غلفيه وشيليه في الثلاجة.

 

🔷 هريسة الشطة السريعة:

أسلقي الفلفل الأحمر على البخار، اضربيه في الكبة مع زيت وخل وشوية سكر. (ادهني إيدك زيت قبل التقطيع).

 

🔷 الفينو البايت:

الفينو يرجع طازة رشيه بشوية مية من بخاخ ودخليه الفرن يسخن.

 

🔷 العسل الأسود بالليمون:

خلي عندك برطمان عسل أسود عليه ليمون، وخديه معلقة على الريق كل يوم، هيعالج الأنيميا والكحة وهيدي نضارة ونشاط.

 

🔷 لبان الدكر:

خديه فص على الريق وفص قبل النوم، ده مفيد جداً للمعدة، بيعالج الانتفاخات، وبيخلي ريحة الفم أحسن.