الاستريبس المقرمشة

إيمى عمرو

سر الاستريبس المقرمشة زي المطاعم… هتعمليها في البيت أحلى بكتير!

 

المكونات

 

للتتبيلة:

500 جم صدور دجاج مقطعة صوابع

1 كوب ماء مثلج

٢ملعقة كبيرة نشا

ملعقه صغيره بيكنج بودر

1 ملعقة صغيرة مرقة دجاج بودرة

1 ملعقة صغيرة بابريكا

½ ملعقة صغيرة فلفل أسود

1 ملعقة صغيرة ثوم بودر

1 ملعقة صغيرة بصل بودر

توابل بروستد لو متاحة

ملح حسب الرغبة

رشة شطة (اختياري)

 

1️⃣تتبيل الفراخ🍗

في بولة نحط الماء المثلج + مرقة الدجاج + البابريكا + الفلفل الأسود + الثوم البودر + البصل البودر + الملح.

نقلب كويس، ونضيف صوابع الفراخ.

نغطيها ونسيبها في الثلاجة 4 ساعات أو ليلة كاملة.

 

2️⃣ تحضير خليط الدقيق

في بولة تانية نخلط:

الدقيق + النشا + البيكنج باودر + كل التوابل.

 

3️⃣ التغليف

نطلع الفراخ من التتبيلة.

نحطها في الدقيق المتبل ونقلب كويس.

نرجعها بسرعة في التتبيلة.

وبعدين على الدقيق مرة تانية مع عدم الضغط علشان تتكون القشرة المقرمشة.

 

4️⃣القلي

نقلي في زيت غزير سخن على نار متوسطة

لحد ما تاخد لون ذهبي جميل وتبقى مقرمشة.

 

✨ نصيحة مهمة:

بعد تغليف الفراخ سيبيها 5–10 دقايق قبل القلي علشان الطبقة تمسك كويس.

يفضل نطلعها على مصفى وليس مناديل مطبخ عشان تفضل مقرمشة