كيفية فك اللحوم

إيمى عمرو

أغلبنا بيفك اللحمه المتجمده غلططط!‼️‼️

و بيفقدها اغلب فوائدها وكمان بيضر الصحه ‼️‼️

 

🛑 أول حاجة: نفهم اللي بيحصل جوه اللحمة أثناء التجميد

🛑خليني أبسطهالك…

 

🛑لو جبت إزازة مية وملّيتها للآخر، وحطيتها في الفريزر، بعد ساعة ولا اتنين، هتلاقي المية اتجمدت وحجمها زاد، لدرجة ممكن تكسر الإزازة أو تخلي الغطا يطير.🤨

 

لأن المية وهي بتتحول لتلج بيزيد حجمها، ولو مفيش فراغ جوه الإزازة، الضغط بيكسرها.👌🏼👌🏼

 

🛑نفس اللي بيحصل للمية في الإزازة… بيحصل لجسم اللحمة.

 

🛑 لأن اللحمة عبارة عن خلايا عضليه جواها مية.

🛑ولما المية دي بتتجمد، حجمها بيزيد وتضغط على جدار الخلايا وتكسرها.

 

🛑وطول ما اللحمة متجمدة، مفيش مشكلة… لكن أول ما بتخرج من الفريزر وتبدأ تفك، تلاقيها بتنزل سائل لونه أحمر كده.

 

🛑ناس كتير بتفتكره دم، بس الحقيقة ده مش دم.

 

🛑الدم بيكون اتصفى خلاص أثناء الذبح، خصوصًا في الذبح الإسلامي👌🏼👌🏼

 

🛑لكن الحقيقة أن السائل ده عبارة عن بروتينات( مايوجلوبين) ومية من جوه الخلايا… يعني فيه جزء كبير من الفايدة اللي احنا عايزينها من اللحمة.✅

 

❌ اكبر غلط بقي أغلبنا بيعمله نسيب اللحمة تفك برا التلاجة

 

🛑لأن لما بتفك على الرخامة أو في المطبخ في درجة حرارة الغرفة،

كل السوائل اللي فيها بتخرج منها، وتروح في الطبق.

يعني كده إحنا خسرنا بروتين وفيتامينات ومعادت و قيمة غذائية كتير!‼️

 

🛑مش بس كده ..الموضوع ده بيسبب انتشار البكتريا والتلوث في مطبخك

 

طيب نتصرف ازاي واحنا بنفك اللحمة🤔🤔

 

🛑في كذا طريقة علميه نقدر نتعامل بيهم مع اللحمة المجمّدة

بمنتهي البساطه حسب وقتك وظروفك وطبخك

 

🔵١. الطهي المباشر:

 

ودي من أأمن طريقة.

يعني تطلع اللحمة من الفريزر وتطبخها على طول، سواء تسلق في ميه ، تقلي في طاسه او تشوي…

⛔العيب الوحيد إن وقت الطهي بيبقى أطول شويه بس الطريقة دي بتحافظ على أكبر قدر من القيمة الغذائية

 

🔵٢. فكّ التجميد بالمية الباردة:

 

🛑هتحط اللحمة في طبق عميق( طبعا وهي في الكيس بتاعها)

، وتصُبّ عليها مياه باردة.

المهم ما تستخدمش مية سخنة!

⛔وخلي بالك إن المية ما ترطّش وتتلوّث منها أسطح المطبخ أو الأكل التاني.

 

🔵٣. الميكرويف:

🛑الميكرويف طريقة سريعة لفك التجميد، بس فيها نقطة مهمة:

⛔هو بيسخّن اللحمة بشكل مش متساوي، يعني جزء منها ممكن يبقى سخن قوي، وجزء تاني لسه بارد.👌🏼

وده ممكن يخلّي اللحمة بيئة مناسبة لنمو البكتيريا.‼️❌

⛔فعشان كده لازم تطبخ اللحمة فورًا بعد فكّها بالميكرويف، ما تسيبهاش على الرخامة ولا تكسل، علشان ما تبقاش خطر على الصحة.✅✅

 

🔵٤. الفك داخل التلاجة:

🛑ودي طريقة آمنة برضو وممتازه وتعتبر الافضل لو عندك وقت او عملت الموضوع ده من بالليل

⛔تحط اللحمة في طبق وتحطها في الرفّ اللي تحت في التلاجة على درجة حرارة حوالي 4 مئوية.✅

🛑اللحمة هتفكّ بهدوء ومن غير ما تفقد قيمتها الغذائية

 

👌بس اول ماتفك من بعضها نستخدمها علطول للطهي

 

⛔بس لازم تتأكد إن الطبق مش صغير على اللحمة، وكمان تمنع إن أي سوائل تنزل منها وتلوّث الأكل التاني في التلاجة.

 

❌❌طيب، إيه بقى اكبر غلط ناس كتير بتعمله؟

 

❌ إنك تسيب اللحمة المجمّدة برا التلاجة من بالليل للصبح:

دي أكتر غلطة بنقع فيها.

 

⛔درجة حرارة المطبخ بتخلّي البكتيريا تتكاثر بسرعة جدًا، وبعض أنواع البكتيريا دي حتى الحرارة ما بتقتلهاش بالكامل،

 

⛔لأن السموم بتاعتها بتفضل في اللحمة..

 

❌ إنك تفكّ اللحمة وهي لسه جوه الكيس الأسود:

 

بعض الجزارين أو المحلات بيحطوا اللحمة في أكياس بلاستيك سودة،✅

الكيس ده ماينفعش نفك فيه اللحمة ولا نخزّن اللحمة فيه أصلاً.‼️

الكيس ده مش آمن للأكل وممكن يتفاعل مع اللحمة.