الباستا فلورا
إيمى عاطف
المقادير:
٣ كوب وربع دقيق منخول
٢بيض
نصف كوب سكر بودرة
٢معلقة بيكنج بودر صغيرة
٢٠٠ جرام زبدة
معلقة صغيرة فانيليا
رشة ملح
مربي مشمش او فراولة
الطريقة:
نضرب الزبدة مع السكر البودرة لحد ما يبقي الخليط كريمي ونحط البيض بيضة بيضة والفانيليا ونضيف الدقيق والبيكنج بودر ورشة الملح ونعجنهم كويس لحد ما يلموا وتترك في الثلاجة ٥ دقايق قبل الفرد وندهن القالب زبدة ودقيق ونقسم العجين جزئين جزء نفردوا في الصينية وجزء نقطعوا شرايح طويلة وبعد فرد العجين في الصينية نخرم العجين بشوكة ونحط مربي المشمش او اي نوع عايزينوا ونحط عليه شرايح العجين الطويلة بعد ما نشكلها زي الصورة وندخلها الفرن علي درجة حرارة ١٨٠ ونعمل الفرن تحت بس لحد ما نلاقي الحروف بتاعت الصينية احمرت وبعد كدة نعمل الفرن فوق وتحت يحمر الوش وياخد لون دهبي ونطلعها وبالهنا والشفا…
