النوم المنتظم وتاثيره ع عمليه الحرق وصحه الجسم

كتبت /هدي الالفي

اخصاءيه التغذيه العلاجيه

زمان الأطباء والناس عمومًا أغفلوا أهمية النوم ، وتأثيره على الجسم ، ومشاكل نقص النوم وتأثيره الخطير على الجسم …

بل كان في خرافات كتير عنه وعن خطورته ..

بس دلوقت بدأنا نفهم أهميته للصحة العامة ، وان الانسان يبقى كويس بشكل عام ..

بمعنى انك لو بتنام اقل من 6-7 ساعات يوميا ، ف انت معرض اكتر للإصابة بالامراض ..

ليه لازم نحافظ على النوم لفترة متواصلة وكافية في وقت الليل؟

1•النوم بيحافظ على صحة القلب ، وبيحميك من الإصابة بالجلطات والنوبات القلبية ،
لان النوم بيحافظ على صغط الدم ، ونسبة الكوليستيرول ، ف بيأثر على صحة الأوعية الدموية ..

ف لو كل ليلة اخدت من 7-9 ساعات نوم .. ف صدق أو لا تصدق انت بتحمي قلبك.

2•النوم يقدر يساعد ف حمايتك من السرطان ،
ولذلك الناس اللي بتشتغل ف نوبات ليلية ونومها مقلوب والساعة البيولوچية عندها مش متظبطة ، بيبقوا معرضين أكتر للاصابة بسرطان القولون والثدي ،
الباحثين بيعتقدوا ان التعرض للاضاءة مساءا بيقلل نسبة الميلاتونين ، اللي بينظم دورة النوم والصحيان ، واللي له أثر ف قمع نمو الأورام ..

3•النوم بيقلل التوتر ،
ف لما تتحرم من النوم ، جسمك بيدخل ف خالة توتر ، ووظايف الجسم بتبقى كلها متأهبة وف وضع الاستعداد ،
ف دا بيرفع ضغط الدم ، وبيزود هرمونات التوتر .. Stress Hormones

وكل دا بيزود ضغط الدم وبيصعب عليك انك تعرف تنام أكتر.

4• النوم بيقلل التهابات الجسم ،
قلة النوم بترفع نسبة هرمونات التوتر ، ف بتزود نسبة الالتهابات ، وبتزود خطورة التعرض لأمراض القلب ، وكذلك السكر ، والسرطان ، وبيدخل الجسم ف تدهور شديد وسريع مع التقدم ف العمر ، بمعنى انك تعجز بسرعة ..
وبيأثر بشكل خاص على التغذية وبناء العضلات وعمليه الحرق اللي بتتاثر بشكل كبير بيه .

خد بالك ….صحتك تهمنا