شوية تركات بتخلى الأكل أحلى
إيمى عمرو
الفانيليا :
يا سلام عليها لو ضيفناها على اي حاجة بتخليها خيال
على العصاير خصوصا لو اي حاجة فيها لبن
بلح جوافة موز أي عصير
هتحسي طعمه زي اللي بتشربيه في أحلى الكافيهات
حطيها كمان على عجينة البيتزا طعمها بتكون ولا بيتزا هت
وممكن نضيفها على الفيشار كمان
مش بقولكوا الفانيليا دي حاجة تحفة
تانى تكه
أما بسيح السمن بضيفله ورق لاورا وحبهان
بيديله ريحة حلوة أووووي ويتخزن لمدة سنة بنفس الريحة
تالت تكه
صلصة الكشري أما بعملها وتخلص بعملها طشة توومة بكزبرة كتيير بتفرق في طعم الكشري كله
وده سر من اسرار كشري ابو طارق
رابع تكه
اما تشتري اللبن وتحسي أو تشكي انه ممكن يكون رايب
او هيروب وهو بيغلي اول ماتحطيه عالنار ضيفيله معلقة بيكنج بودر كبيرة وقلبيها فيه 🍶
ان شاء الله مش هيروب خالص
خامس تكه
حفظ الخضروات الورقية زي الشبت والبقدونس والجرجير
إغسليهم ونشفيهم في فوطة نظيفة بس مش يكون فيه نقطة مية واحدة ولفيها في ورق أبيض نظيف مش كيس علشان الكيس بيعمل بخار مية وينزل عالخضار يسوده ويبوظه
سادس تكه بواقي الكيك
لو عندي بواقي كيك بفتته واعمله تورتة جيلي
بعمل في قالب جيلي واما يجمد بفتت عليه نص الكيك وبعدها طبقة كريم شانتي وبعد كده باقي فتافيت الكيك واصب باقي الجيلي واسيبه يبرد في التلاجة تانى
سابع تكه
الملوخية انا بضيفلها كزبرة خضرا وتتخرط معاها بتكون لذيذة أوى
تامن تكه
اما تخزني خضار أو فاكهة في الفريزر ما تنسيش تخرجي الهوا اللي في الكيس علشان الحاجة اللي جوا ما تسودش وتفضل محتفظة بلونها
تاسع تكه
لو عاوزة تعملي أكلة شكلها شيك وموفرة في نفس الوقت ممكن تعملي الشيش طاووق وتضيفى مع الفراخ بطاطس مكعبات بتزودها وطعمها يجنن وشكلها جمييل
عاشر تكه
لو السويسرول اتكسر او اتفتت منك وانتي بتلفيه اعمليه تورتة مستطيلة اقسميها اتنين بالطول واعمليها زي ما بتعملي التورتة عادي احشيها كريم شانتي من النص وضيفي النص التاني وزوقيها على زوقك انا عملت معايا كده وقلبتها تورتة
وإنتى بتعملى المحشى بعد ما تحطى الرز على الصلصة والخضره وخلاص هتحشى بصلايه حلوه كدا مبشوره وطمطمايه كبيره حلوه برضو ومبشوره وقلبيهم ع الرز وشوفى فرق الطعم وإدعيلى
آآآخر تكه :
اما بعمل شوربة لسان عصفور بحمرها واسيبها شوية علشان لو ضيفت عليها الشوربة على طول لسان العصفور بشقق كأنه مكسر .
