برغم الفقر والعوزه
كتبت :د علا علي

برغم الفقر و………..العوزه
ونمره في لسته محجوزه
وميت سكينه….مغروزه
وعيل ع الدراع موجوع
مرض ناهشه معاه………….. الجوع
وألمه م الالم…………………مسموع
وجلابيه بلون بهتان من……. القهره
ومنديل رأس بلون ازرق من الزهره
وراجل المرض والهم قطم …وسطه
ومواله..قليل المال علي ……..بخته
برغم الصوره….مغمقه و………مسوده
ونغمه حزينه في الخلفيه…… ممتده
لكن بعيونها شايفه لسه فيه…… فايده
وحاسه أن سرب البوم مالوش رجعه
و نظرتها وبسمتها امال ………واعده
مش ف الخلق.!!!..رب الخلق ليه قدره
وستره وجبره كسرتها…دواه……شٍده
#Ola_ali