كنافة بالكريمة والمانجو والمكسرات

إيمى عمرو

 

المقادير:

🔸 طبقة الكنافة:

• 400 جم كنافة

• ⅓ كوب زبدة سايحة

• 2 ملعقة كبيرة سكر بودرة

🔸 السيرب (الشربات):

• 1 كوب سكر

• 1 و¼ كوب ماء

• عصير ½ ليمونة

• رشة فانيليا

🔸 طبقة الكريمة:

• 1 و¼ كوب كريم شانتيه خام

• 3 ملاعق كبيرة سكر بودرة

• من 1 و¼ إلى 1 و½ كوب ماء مثلج (حسب القوام)

🔸 صوص المانجو:

• 1 كوب بيوريه مانجو

• 2 ملعقة كبيرة سكر

• 1 ملعقة كبيرة نشا

🔸 للتزيين:

مكعبات مانجو + مكسرات حسب الرغبة

الطريقة:

1️⃣ نفتت الكنافة كويس ونضيف لها السكر البودرة والزبدة ونقلب لحد ما تتشرب الزبدة كلها.

2️⃣ نفردها في صينية مدهونة ونضغط عليها كويس لحد ما تتماسك.

3️⃣ تدخل فرن سخن على 180 درجة لحد ما تاخد لون دهبي جميل.

4️⃣ أول ما تخرج من الفرن نصب عليها الشربات البارد بالتدريج ونسيبها تبرد تمامًا.

5️⃣ نخفق الكريم شانتيه مع السكر والماء المثلج لحد ما القوام يتماسك ويبقى كريمي.

6️⃣ نخلط بيوريه المانجو مع السكر والنشا على البارد، ونرفعهم على نار هادية مع التقليب لحد ما يتقل الصوص، ونسيبه يبرد.

7️⃣ نفرد الكريمة على الكنافة بعد ما تبرد ونسويها كويس.

8️⃣ نوزع صوص المانجو فوقها بهدوء.

9️⃣ نغطي الصينية وندخلها التلاجة 3 ساعات على الاقل قبل التقطيع.