الكبسة الاصلية

إيمى عاطف

المقادير

فرخة مقطعة على 8 قطع غير الاجنحة يبقو 10 قطع

بهارات كبسة من اى عطار

2 ليمون مجفف لومي

4 حباب هيل او حبهان

جنزبيل مجفف يفضل قطع مش مطحون

قرنفل

واحدة او اتنين قرفة اعواد

ملح وفلفل اسود

ورق لورا

ممكن زبيب ومكسرات للتزيين حسب الرغبة

ممكن كمان نروح للعطار نطلب منها بهارات كبسة صحيحة مش مطحونة وهو هيحضر كله حاجة

معلقة كارى

2 ملعقة صلصة

3 طماطم مبشورة

بصلة كبيرة مفرومة او بصلتين

2 جزرة مبشورة

زيت

مكعب مرقة

نص كيلو رز بسمتي طويل الحبة الذهبي او الاصفر

الطريقة

في حلة كبيرة على النار بنضع اربع معالق زيت او معلقتين زيت ومعلقتين سمن ونشوح فيهم الفراخ لحد ما يتحمروا او ياخدو لون دهبي ننزل عليهم بالبصل والجزر والفلفل الاسود وبهارات الكبسة الصحيحة مثل القرفة والحبهان والليمون والجنزبيل والقرنفل ومعلقة من الكاري ومعلقة من بهارات الكبسة المطحونة ونقلب لحد الخضار ما يدبل ننزل عليهم بالصلصة والطماطم المبشورة ونقلب كله لمدة دقيقتين ثم نضيف الماء ومكعب المرقة ونظبط الملح نغطى الفراخ يعنى ونسيبها تستوي تلات ارباع سوا يعنى حوالى 70% سوا

نكون غسلنا الرز البسمتى وصفناه نضيفه للحلة ونظب المية والملح طبعا الرز البسمتى كل كوب منه بياخد كوب وربع مية وممكن كوب ونصف حسب نوعه اول ما يتشرب نهدي النار ونغطيه لحد ما يستوي وبالهنا

طبعا لو عاوزينها صفرا نشيل معجون الطماطم ونضيف معلقة كركم

طبعا فيه ناس بتسويها كاملة قبل وضع الرز وتحمرها بالفرن وتسوي الرز بمية تسوية الفرن