كيش بالدجاج
إيمى عاطف
من أروع أنواع الكيش أو التارت المالح اللي ممكن تجربيه في عزومة أو غدا سريع ومشبع وطعمه تحفة
المقادير
أولاً: العجينة
250 جم دقيق (كوب وربع)
رشة ملح
بيضة
100 جم زبدة باردة (حوالي 7 ملاعق)
ملعقة كبيرة ماء لو احتاجت
الطريقة
نخلط الدقيق مع الملح والزبدة لحد ما يبقى زي الرمل، نضيف البيضة ونجمع العجينة من غير عجن كتير.
نغلفها ونريحها في التلاجة نص ساعة، بعد كده نفردها في قالب ونخرمها بالشوكة وندخلها فرن متوسط 10 دقايق نص سوا.
ثانياً: الحشوة
بصل مفروم
فلفل ألوان
سبانخ
مكعبات دجاج متشوّحة
ملح وفلفل أسود
3 بيضات
200 مل قشطة (ممكن تتعوض بحليب)
200 جم جبن طري
جبن موزاريلا أو شيدر حسب الرغبة
بقدونس مفروم
طماطم كرزية (اختياري)
الطريقة
نشوّح البصل والفلفل والدجاج، نضيف السبانخ ونسيبها تذبل.
نخلط البيض مع القشطة والجبن والملح والفلفل.
نوزع الحشوة على العجينة، نصب خليط البيض، ونرش جبن على الوش.
ندخلها فرن 180 درجة حوالي 30–40 دقيقة لحد ما تمسك وتحمر من فوق.
التعليقات مغلقة.