كباب تركى

إيمى عاطف

 

المكونات:

 

نصف كيلو لحمة مفرومة بنسبة دهن حوالي 20%

 

معلقة توابل كباب من العطار

 

معلقة صغيرة بابريكا

 

معلقة صغيرة ملح

 

فلفل أسود حسب الذوق

 

نص معلقة صغيرة كمون

 

معلقتين كبار زبادي

 

تفل بصلة مبشورة + فص ثوم (التفل بس مش العصير)

 

3 معالق كبار زيت لدمج المكونات

 

طماطم + فلفل رومي + فلفل حار صحيح للتسوية

 

الطريقة:

 

1. نجهّز الخليط:

ضيفي اللحمة، تفل البصل، التوابل، الزبادي، والزيت… واعجني بإيدك كويس لحد ما تبقى عجينة ناعمة ومتماسكة.

ولو تحبي… دخّليها الكبة تديكي نعومة أكتر.

 

2. التشكيل حسب راحتك:

عندك طريقتين:

 

الطريقة الأولى:

اعمليها رول في ورق زبدة أو كيس نايلون… وادخليها الفريزر.

وقت الاستخدام قطّعي منها وهي مجمدة شرائح رفيعة زي الجاهز بالظبط.

 

الطريقة التانية

اعمليها كرات صغيرة وافرديها بين إيديكي رفايعة.

سويها على طاسة سخنة جدًا بمعلقة زيت… هتشمي ريحة تشهي!

 

ممكن كمان تعملي كمية وتحطيها في علبة فريزر، وبين كل طبقة والتانية كيس نايلون عشان متلزقش.