أسهل ماس جينر طبيعي في البيت.

إيمى عمرو

 

لو نفسك تزود حجمك وتبني عضل من غير أي مكملات غالية… الوصفة دي أسهل مما تتخيل  وممكن تعملها في البيت بخطوات بسيطة:

 

🔹 المكونات:

 

500 جم فول سوداني متقشّر

 

300 جم سمسم

 

1 كيلو دقيق شوفان

 

300 جم بودرة لبن كامل الدسم

 

300 جم بذور كتان

 

200 جم كاكاو خام

 

علبة سيريلاك (أي نوع تحبه)

 

🔹 الطريقة:

1️⃣ حمّص السوداني والسمسم في طاسة لحد ما يلمعوا، وافردهم يبردوا.

2️⃣ في طبق كبير، ضيف: (دقيق الشوفان + بودرة اللبن + علبة السيريلاك).

3️⃣ اطحن بذور الكتان كويس وحطها على الخليط.

4️⃣ اطحن السمسم والسوداني جزء جزء (عشان ما يقلبوش معاك زبدة) وضيفهم.

5️⃣ في الآخر ضيف الكاكاو الخام وقلب كله مع بعض كويس

 

📊 القيمة الغذائية (سكوب 50 جم):

231 سعر حراري

10 جم بروتين

13.4 جم دهون

21.7 جم كارب

 

✅ مين يقدر ياخده؟

 

اللي عايزين يزيدوا وزنهم أو كتلتهم العضلية

 

الرياضيين خصوصًا تمرينات المقاومة والجيم.

 

أصحاب الحرق العالي اللي مش بيلحقوا على الأكل.

 

أي حد مش قادر يكمّل سعراته بالأكل العادي.

 

❌ مين ما ينفعش ياخده؟

 

مرضى السكر .

 

اللي عندهم حساسية (فول سوداني – سمسم – لبن).

 

مرضى الكلى اللي لازم يقللوا بروتين أو بوتاسيوم.

 

اللي بيعانوا من مشاكل هضمية قوية أو قولون ملتهب.

 

الأطفال الصغيرين إلا تحت إشراف دكتور.

 

🕒 تاخده امتى؟

 

بعد التمرين مباشرة

 

كسناك بين الوجبات

 

الصبح بدري  لطاقتك طول اليوم.

 

قبل النوم بساعة  لبناء عضل أثناء النوم.

 

الوصفة دي هتديك:

 

طاقة وانفجار في التمرين

 

زيادة وزن وعضل نظيف

 

دهون صحية وألياف للهضم والقلب

 

بديل طبيعي وأوفر من أي مكمل غالي