صينية مكرونة بالصلصة والجبنة

إيمى عاطف

 

المقادير:

 

لتحضير المكرونة:

• ½ كيلو مكرونة قلم

• ماء مغلي + ملح لسلق المكرونة

• 1 ملعقة كبيرة زيت

 

لتحضير الصلصة:

• 2 ملعقة كبيرة زيت

• 1 بصلة مفرومة ناعم

• 2 فص ثوم مفروم

• 3 ملاعق كبيرة معجون صلصة طماطم

• 2 كوب عصير طماطم

• 1 ملعقة صغيرة سكر

• 1 ملعقة صغيرة ملح

• ½ ملعقة صغيرة فلفل أسود

• ½ ملعقة صغيرة بابريكا

• ½ ملعقة صغيرة زعتر ناشف

 

للتجميع:

• 1 كوب جبنة رومي مبشورة (أو أي جبنة تحبيها)

• ½ كوب جبنة موتزاريلا (لو عاوزة وشها يبقى زي الصورة)

 

طريقة التحضير:

 

تحضير المكرونة:

1. اسلقي المكرونة في ماء مغلي مع الملح والزيت، واطبخيها نص تسوية بس، صفيها واغسليها بمياه باردة.

 

تحضير الصلصة:

1. سخني الزيت في طاسة، وضيفي البصلة المفرومة وقلّبيها لحد ما تذبل.

2. ضيفي الثوم المفروم وقلّبيه دقيقة لحد ما تطلع ريحته.

3. ضيفي معجون الطماطم، عصير الطماطم، السكر، والتوابل، وقلّبي كويس.

4. سيبي الصلصة تتسبك على نار هادية لمدة 10-15 دقيقة لحد ما تتقل.

 

التجميع والفرن:

1. في بولة كبيرة، اخلطي المكرونة المسلوقة مع الصلصة المتسبكة كويس جدًا.

2. في صينية فرن، ضيفي نص كمية المكرونة، ورشي عليها نص كمية الجبنة.

3. ضيفي باقي المكرونة، ثم وزعي الجبنة المتبقية على الوش.

4. دخلي الصينية فرن سخن على 180 درجة لمدة 20-25 دقيقة، أو لحد ما الجبنة تسيح.

5. افتحي الشواية آخر 5 دقايق علشان تاخد لون ذهبي زي الصورة بالظبط.