أرز سبايسي واستربس مقرمش
إيمى عاطف
أولاً: الرز السبايسي بالهوت صوص والصويا
#المكونات
3 كوب رز مصري (مغسول ومُصفى من غير نقع)
3 كوب مية
ربع كوب هوت صوص
2 معلقة كبيرة صويا صوص أو وريسترشاير صوص
بصلة متوسطة
فصين توم
3 مكعبات مرقة دجاج
ربع كوب زبدة سايحة
#الطريقة
1. في حلة على النار، حطي المية ولما تغلي نزلي بمكعبات المرقة وسيبيها تغلي كويس.
2. بعد كده ضيفي البصلة والتوم وسيبيهم ياخدوا غلوة.
3. ضيفي الهوت صوص والصويا صوص والزبدة السايحة.
4. لما كل حاجة تغلي، نزلي بالرز وسيبيه يتشرب السوايل.
5. أول ما يتشرب، وطي النار وغلّفي الحلة، وسيبيه على نار هادية لحد ما يستوي (بياخد من 25 لـ 30 دقيقة).
—
ثانياً: استربس الفراخ المتبل المقرمش
مكونات التتبيلة (لكيلو صدور):
نص كوب مية ساقعة
2 معلقة كبيرة بابريكا (فلفل أحمر بارد)
معلقة صغيرة لـ 2 شطة (حسب الرغبة)
2 معلقة صغيرة توم بودرة مليانين
ملح حسب المذاق
رشة ريحان ناشف
رشة ملح ليمون
رشة كربوناتو (بيكربونات)
#الطريقة
1. قطّعي صدور الفراخ لشرائح متوسطة.
2. اغسليها كويس بمية وملح ولمون.
3. في طبق، حطي المية الباردة وقلبي فيها التوابل كلها.
4. نزلي بالفراخ في التتبيلة وقلّبي، وسيبيها في التلاجة من 3 لـ 12 ساعة تتشرب الطعم.
ثالثاً: خلطة التغليف (البريدنج)
#المكونات
نص كيلو دقيق
معلقة صغيرة ملح
معلقة صغيرة بيكنج بودر
معلقة كبيرة نشا
معلقة صغيرة فلفل أبيض
رشة ريحان
معلقة صغيرة توم بودرة
#الطريقة
1. اخلطي المكونات الجافة كلها ونخّليهم.
2. خدي الفراخ من التتبيلة وقلّبيها في الدقيق كويس (من تحت لفوق 10 مرات).
3. حطيها في مية ساقعة ثواني وارجعيها تاني للدقيق.
4. اقليها في زيت غزير وسخن لمدة 4 دقايق بالظبط.
