الجلطات
إيمى عمرو
ازاي أي شخص في مرحلة عمرية متقدمة أو حتي شاب في العشرينيات والتلاتينات
يتوقف قلبه فجأة
وتجي له جلطة
في شرايين القلب التاجية
ويموت بالسكتة القلبية
أو جلطة كبيرة شرايين المخ
ويموت فجأة بالسكتة الدماغية
ويعني ايه جلطة المخ
والسكتة الدماغية
ويعني ايه السكتة القلبية
الجلطة يعني كتلة من خلايا الدم
بتتجمع وتلزق في بعضها
وتلزق في جدار الشريان وتقفله
فالدم اللي وظيفته يجري في الشريان
ويروح يغذي الخلايا يتوقف
والخلايا اللي مش واصل لها الدم
تتوقف عن العمل
وقد تتلف وتموت
نوعين من الخلايا لما بيموتوا
مفيش خلايا تانية تعوضهم
وتنمو مكانهم
هما
خلايا المخ
وخلايا القلب
لما شريان القلب الكبير تتكون جواه جلطة كبيرة
وينسد انسدادا كليا تاما
يحدث خلل كهربي خبيث عبارة عن رجفان وذبذبة بطينية في البطين الأيسر نتيجة تلف جزء كبير من عضلة القلب ويتوقف القلب
وقد تحدث السكتة القلبية والوفاة
لو لم يتم انعاش القلب
واذابة الجلطة
وتركيب دعامات
الكلام نفسه ينطبق علي المخ
لو الجلطة كبيرة
وفي شريان كبير بيغذي مساحة كبيرة من المخ أو يغذي جذع المخ مراكز التنفس والحياة
ممكن تحصل سكتة دماغية
يتوقف المخ عن العمل
وربما تحدث الوفاة
وهل ممكن وجع البطن
يكون من مقدمات الجلطة
هل وجع البطن ممكن يكون سببه جلطة ؟!
ايوه
جلطة الشريان التاجي الخلفي
تسبب وجع وحموضة
وحرقان في المعدة
كذلك جلطة شرايين الأمعاء
وكمان تسلخ وتمدد الأورطي
ممكن تحصل جواه جلطة
ايه اللي يخلي شاب صغير تجي له جلطة ؟!
التدخين
المسكنات
مشروبات الطاقة والمنشطات
المخدرات
تاريخ وراثي بارتفاع الكولسترول والدهون وقابلية التجلط
وطبعا الضغط المرتفع ومرض السكر
وحديثا وأخيرا الإصابة بڤيروس كورونا تسبب جلطات
فيروس الكورونا نفسه مش التطعيمات هي السبب الأخطر والأكثر انتشارا للجلطات القلبية والموت المفاجيء والتطعيمات قللت بنسبة كبيرة حدوث الوفيات
ايه أهم علامة تحذيرية لجلطة المخ
صداع تنميل في جانب من الجسم اختلال درجة الوعي
علامات تحذيرية لجلطة القلب
وجع أو عدم ارتياح في منطقة الصدر
نهجان خفيف
عرق
ثقل في الذراع الأيسر
هل الوقت يفرق في جلطات المخ والقلب؟!
الدقايق والساعات الأولي الوقت الذهبي Golden time لإذابة الجلطة بالأدوية أو بالقسطرة والدعامات
هل الزعل والتوتر والصدمات العاطفية ممكن تعمل جلطة ؟!
طبعا ممكن تكسر القلب وتؤدي الي اعتلال عضلة القلب ويمكن تتسبب في جلطة في المخ او القلب
هل كوڤيد ١٩ بسبب جلطات ؟!
نعم كورونا المستجد مرض أوعية دموية قد يتسبب في جلطات في القلب والرئة والكيد والكلي والمخ
نؤكد مرة تانية كورونا نفسه مش التطعيمات هي السبب الرئيسي
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
