كفته اقتصادي
إيمى عاطف
بربع كيلو لحمه بس وطعمها ولا اروع
المقادير
ربع كيلو لحمه مفرومه
تفل بصلايه كبيره معصورة كويس جدا
بطاطسايه مبشورة ومتصفيه كويس جدا
فلفل اخضر او الوان المتاح
معلقه ص بيكنج بودر
ملح وفلفل
بهارات لحمه
مرقه دجاج فوريه …ودى بقي اضافه وهم الوهم
ربع كوب بقسماط مخلوط بربع كوب ميه او نص رغيف عيش منقوع فى ميه ومتصفي تمامااااا
نص حزمه بقدونس
للتلميع
ميه البصله اللي عصرناها في الاول
ملح وفلفل
معلقه ص صلصه طماطم
معلقه ك زيت
الطريقه
اول حاجه تفرمي اللحمه مع البطاطس والتوابل وتفل البصلايه والماجي والبيكنج والبقسماط ال اتنقع ف الميه وكله يتفرم سوا بعد كده دخلي الكفته نص ساعه الثلاجه وفى الوقت ده جهزي خليط التلميع بخلط كل مكوناته المكتوبه فوق وابتدي شكلي الكفته على سيخ الشوي او مدوره براحتك وبلي ايدك بخليط التلميع ودخليها فرن سخن على ١٨٠ ل ٢٠٠ لمده ٢٠ دقيقه واول ماتخرج اديها فحمايه وغطيها خمس دقايق وكلي احلى كفته
او تكوريها وتبططيها وع طاسه وشوحيها وبعد ما تطلع ولعى فحمايه علشان تاخد ريحة الفحم وتقدم مع ارز او عيش
والطحينه والف هنا وشفا
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
