العاصمة

وصفات العاصمة

ايمان العادلى

0

..

تصنيع الخميرة المنزلية:

حبة سكر … حبتين بطاطس … كوب دقيق

اولا نعرف أن الخميرة هى بكتريا نافعة بتنشط عند درجة ٣٥ ..وتموت لو الحرارة زادت بعد ال ٤٠.

علشان نبدا تصنيعها محتاجين :

برطمان يتقفل كويس جدا وقلم برمنانت ( مش بيتمسح ) عشان نعلم بية مستويات الارتفاع

نسلق البطاطس ونصفى المية علشان نستخدمها .

نسيب المية تبرد ( تكون دافئة) ونحتفظ بيها فى برطمان علشان هانستخدمها لمدة ٥ ايام .

فى البرطمان نحط الدقيق والسكر وشوية من مية البطاطس ونقلبهم كويس .

العجينة بتكون زى عجينة الزلابية

نقفل البرطمان كويس ونسيبه لتانى يوم نفس الميعاد .

نضيف حبة مية بطاطس وشوية دقيق ونقلب كمان وبرضه نخلى العجينة زى الاول .

ونكرر العملية دى لمدة ٥ ايام ..اليوم الخامس هانلاحظ أن الخميرة بقت زى الصورة كدة .

نستخدمها فى المخبوزات ( ٤ معالق لكل كيلو دقيق ).

صلاحيتها تقريبا العمر كله كل ماتقرب تخلص نضيف حبة دقيق وحبة مية بطاطس ونقلبهم ونسيبهم ( وطبعا مش محتاجين نعمل الخطوات كلها ) بمجرد اننا نعمل كدة هاترجع تبقى خميرة تانى


اكتشاف المزيد من بوابة العاصمة

اشترك للحصول على أحدث التدوينات المرسلة إلى بريدك الإلكتروني.

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار