العاصمة

نصائح العاصمة للمطبخ

ايمان العادلى

0

 

 

لما تيجى تسوى المحشى اى نوع فلفل رومى وباذنجان او ورق عنب او كرنب بتحطى الشوربه وتسيبى مقدار عقله صوباع علشان ميطلعش معجن ويستوى كويس واول ما يتشرب انقليه على العين الصغيره ووطى عليه

 

وانتى بتسلقى الكرنب او القرنبيط حطى شويه كمون فى ميه السلق ونص ليمونه علشان الحله ما تسودش وكمان لو القرنبيط مش نظيف هينضف

 

لما تسوى محشى الكوسه باللحمه المعصجه ابقى افرشى الحله بقلب الكوسه اللى طلعتيه بعد التقوير ورصى الكوسه واقفه واسقيها يادوب تلت الحله بس واول ما تتشرب وطى النار عليها واول ما لونها يتغير اطفى عليها كده تبقى الف هنا

 

قبل ما تسوى اى حاجه فى الفرن سخنيه الاول

 

الرز لما تيجى ما تعمليه عايريه بكوبايه علشان تعرفى تزوديه ميه او شوربه ولكل كوبايه رز كوبايه ميه بنفس الكوبايه

 

لما تعملى الملوخيه متغطيهاش علشان متسقطش منك يعنى تبقى واقعه تحت وتفصل عن الشوربه

 

لما تعملى القرص الطريه ابقى حطى عليها رشه فانيليا ولما تعجنيها سبيها 10 دقايق وبعدين شكليها ورصيها فى الصوانى وسبيها تخمر ساعتين هتبقى زى بتاعه الفرن واحلى

 

لما تكونى بتعملى اى معجنات فى الفرن وحسيتى انها نشفت منك زى البيتزا مثلا غطيها اول ما تخرج من الفرن ربع ساعه هتبقى طريه

 

الباميه والسبانخ والفاصوليا البيضه والبطاطس بيحبوا التوم وبيبقى طعمهم احلى يعنى بعد ما تطفى فص توم مهروس او متقطع صغير عليه وغطيها

 

لما تكونى بتسلقى لحمه او فراخ متحطيش الملح الا بعد ما تستوى علشان الملح بياخر السوى

 

لو بتسلقى لحمه او كوارع وطولت على النار ابقى حطى عليها نص معلقه صغيره سكر

 

العيش البلدى او السورى او القرص او البيتزا لو بقاى عندك زياده فى كيس وعلى الفريزر هيفضل طازه

 

علشان تدى طعم الفحم لكباب الحله او كفته مشويه فى الفرن او فراخ مشويه او حوواشى بتجيبى قطعه فحم صغيره وحطيها على النار وورقه فويل واعمليها زى الطبق وحطى فيها نص معلقه صغيره سمنه وحطيها فى وسط الحله او الصينيه وحطى عليها الفحمه وغطى كويس ربع ساعه

 

اغسلى دايما المواعين وانتى بتطبخى هتلاقى المطبخ دايما رايق

 

البسبوسه لما تعمليها اسقيها الشربات سخن اول ما تخرج من الفرن علشان تبقى طريه

 

افضل زيت للقلي زيت دوار الشمس لكن زيت الذره وزيت الزيتون مش مستحب تعريضه للنار

 

 


اكتشاف المزيد من بوابة العاصمة

اشترك للحصول على أحدث التدوينات المرسلة إلى بريدك الإلكتروني.

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار
سفير مصر في السعودية: إقبال ملحوظ للتصويت بانتخابات مجلس الشيوخ منذ أمس المحكمة الدستورية العليا تبطل رسوم رسو العائمات السياحية: قرار وزير الري انتحل اختصاص المشرع ترامب: علينا أن نكون مستعدين عند الحديث عن الأسلحة النووية نفى مصدر أمنى جملةً وتفصيلاً صحة ما تم تداوله على إحدى الصفحات التابعة لجماعة الإخوان الإرهابية بموا... إستمراراً لجهود أجهزة وزارة الداخلية لحماية جمهور المستهلكين وإحكام الرقابة على الأسواق إستمراراً للضربات الأمنية لجرائم الإتجار غير المشروع بالنقد الأجنبى والمضاربة بأسعار العملات وزارة الداخلية تواصل حملاتها المرورية بكافة الطرق والمحـاور على مستوى الجمهورية .. معلومات وتحريات الإدارة العامة لمباحث المصنفات وحماية حقوق الملكية الفكرية بقطاع الشرطة المتخصصة عدد شهر يوليو الورقى من مجلة بوابه العاصمة لقاء إعلامي للتوعية بأهمية المشاركة فى الاستحقاقات الانتخابية واجب وطنى بمجمع إعلام الجيزة تحت شعار ...