يعني لما بتغير بتفضل تعيط وتفضل تدور ف تليفوني وتقولي

هات التليفون وانا مش بشك فيك بس عاوزه افهم بيحصل ايه

من ورايا عشان متفاجئش بعد كده

وانا مش باخد الغيره دي انها غيره ع اد ما بتتعبني انها ازاي

تشك فيا وانا بحبها

فا طبعا برد عليها انها ملهاش الحق انها تمسك تليفوني وملهاش

الحق انها تحاسبني ع كل كبيرة وصغيرة

حتي لو بهزر معاها ع واحدة ظهرت ف مسلسل او فيلم وقولتلها

فلانه حلوة وفلانه وحشة

وشها بيتغير وتفضل تعيط وتقعد تقولي قصدك ايه وندخل ف

حوارات ملهاش لازمة مفيش كلمة بتعديها كده انا ببقي عاوز

احس انها بتغير عليا مش اكتر فا بقول لها الكلام ده بس

الموضوع لما بيقلب بجد مش بقبل طريقتها معايا وبصدها واخر

خناقة بينا انا كنت السبب فيها حكتلها موقف ان في واحدة

عاكستني وكانت حلوة وبعتتلي رسايل وكده فضلت تعيط

وتقولي وريني الرسايل دي طالما جيت حكيتلي يبقي توريني

كل حاجة

فا الموضوع قلب معايا عند وقلتلها مش حقك كل كلمه اقولها

اقدملك تقرير وتفتحيلي محضر

واتصالحنا بعدها وصالحتها بس هي متغيره من نحيتي وقالتلي

انت ملكش امان ف ثواني بتتعامل معايا كاني واحدة غريبه

وبتقول كلام مش بكون منتظراه زي مش من حقك وملكيش

دعوه بيا ودي خصوصياتي وانا حر

قالتلي انا هعيش معاك لاني بحبك لكن انا دلوقتي معرفش انت

فعلا بتحبني ولا لا وازاي بتقولي الكلام ده وبتحسسني اني ولا

اسوي اي حاجه ف حياتك

ومن وقتها وهي مكسورة وساكته بنتعامل مع بعض اه بس

حاسس انها مش بتبصلي بنفس النظرة حتي الخناق معدتش

عاوزه تتخانق وبتبصلي ببرود شديد وانا مش عارف انا اللي

غلط ولا هي وهل فعلا حقها تعرف كل حاجة عني وهل ردي

فعلا يستدعي انها مشاعرها تتغير من نحيتي ولا هي مكبرة

الموضوع وشكرا

 

رد بريد قراء بوابة العاصمة

في الاول كنت هقولك ثقتها بنفسها مهزوزة

 

انما لما كملت لقيتك انت اللي ثقتك بنفسك مهزوزة لانك بتفتعل مواقف وحكايات تخليها تغير وبتصغطها نفسيا وبترجع تزعل كمان

 

نصيحة انت هتكره مراتك فيك من كتر الضغط النفسي على نقطة غيرتها ومع الوقت هتتغير وهتبقى انت السبب