انا متزوجه من كام شهر بعد معاناه سنين الحمد لله ربنا كرمنا و نظرا لأوضاع البلد زي اغلب الشباب كان مستلف فلوس “

 مع العلم ان قبل الزواج بفترة كان مسلف حد من زمايله فلوس

و طلبها منه لما قربنا نتجوز بس تقريبا ظروف زميلة مش احسن

حاجه مع العلم انه في الإمارات بس هو قالي مش هثقل عليه

عشان انا مخنوق زيه و اكيد ربنا هيبعتهم في وقتهم.” المهم هو

استلف عن طريق احد اقاربه.. فا هو عايز ياخد الفلوس من

البنك عشان يسدد بيها “قرض يعني” و انا في داخلة الجواز

وقفت جنبه بمبلغ ضعف اللي استلفه تقريبا . فا السؤال هنا انا

جالي مبلغ و بفكر اديله يسدد من باب تفريج الكرب ..بس في

نفس الوقت بفكر مش عايزة يبقى الحل عندي على طول . . هو

حقيقة لو معاه عمره ما هيبخل عليا و مش هينفع اخد رأي حد

من اهلي عشان مصغروش … ممكن تقولولي اعمل ايه ؟

 

رد بريد قراء بوابة العاصمة

حضرتك قولتى جملة جميلة جداً

اديله يسدد من باب تفريج الكرب

حضرتك نيتك لله من باب انك تفكى زنقة انسان وتفرجى كربه

صح ؟

طب من أولى بالمعروف دا ؟

الأقربون طبعاً وزوجك طبعاً منهم

وحضرتك أكتر واحده تقدر تحكم عليه هل هو يستحق انك تقفى جنبه وتسانديه ولا لا ؟

ولو عندك ذرة خوف أو شك انه يكون متواكل عليكى وهيصدرك

فيما بعد فى كل مشكله تقدرى تقولى انك هتتصرفى فيهم من

حد من طرفك هيصير عليكى ومافيهاش فوايد القروض

وحرمانيتها وهيبقى هو ملزم بالسداد بس بشكل اريح شوية