نصائح العاصمة للمطبخ

إيمان العادلى

1_الصلصة كنت بشتري طماطم كتير اول كل اسبوع او كل 15 يوم واعمل

صلصة كتير واقسمها في اكياس واحطها في الفريزر واطلعها علي الطبيخ علي طول

2_البطاطس ممكن اجيب كميه حلوه واقطعها صوابع واغسلها وانقعها في خل وفلفل اسود وبهارات وميه واغلي حله ميه كبيره واحط فيها البطاطس خمس دقايق واصفيها واسيبها تبرد واقسمها اكلات واحطها في الفريزر واطلعها قبل الاكل بساعه تفك واحمرها

3_الملوخيه كمان اقطفها واخرطها واحطها في اكياس وعلي كل كيس معلقه شوره مغليه بتعيش طول الشتا وبتبقي زي الطازه بالظبط

4_البامبه ااقمعها وانزلها في ميه مغليه خطوه سريعه كدا واطلعها اغسلها علشان متبقاش مزلزقه واقسمها واعينها

5_ممكن تجيبي صدور وتقطعيها قطع صغيره وتتشوح مع بصل وفلفل وتتعان لزوم النجرسكو او اي اكله سريعه

6_ البانيه اغسله واتبله بس متزوديش الملح كتير واعينه متبل بيطلع طعمه احلي مليون مره

7_ التوم بفرم كميه كبيره خالص في الكبه واحطها في برطمان ازاز وعلي الوش شويه زيت واقفل البرطمان كويس وعلي الفريزر واطلع بالمعلقه

وممكن برطمان تاني توم وفلفل اخضر وملح وكمون وبهارات لزوم خلطه السمك

8_اليلمون اعصر كتيييييييير واحطه بيور كدا في مكعبات التلج واما يخلص اعمل تاني

9_والفراوله اقطعها واخزنها واطلعها علي الخلاط وشويه ميه وسكر وتبقي احلي عصير

10_ والمانجو نفس الشئ اقشرها واشيل البزره واحطها في اكياس واطلعها مع شويه سكر وميه وعلي الخلاط

11_ والجوافه نفس الشئ اشيل البزر واحطها في اكياس واطلعا علي الخلاط

12- تجهز كمية من العصاج , و تقسم على أكياس حسب كل أكلة , و توضع في الفريزر لوقت الاستعمال .

13- تجهز الكبيبة الشامية , و تحشى , و ترص في أطباق فيبر و تغطى بالبلاستيك و تحفظ في الفريزر .و تخرج من الفريزر قبل القلي مباشرة .

14- تجهز الكفتة , و تشكل على هيئة أصابع , ثم ترص في طبق فيبر و تغطى ببالبلاستيك و تحفظ في الفريزر , و قبل الاستعمال , تخرج من الفريزر , و ترص في صينية و تدخل الفرن .

15- تجهز الطعمية (الفلافل) و ذلك بفرمها , ثم تقسم على أكياس بلاستيكية بحيث تكون الكمية مناسبة لأكلة واحدة , ثم تحفظ في الفريزر .

16- يدمس كمية من الفول , و تقسم على أكياس بلاستيكية , و تحفظ في الفريزر لحين الاستعمال .