نصائح العاصمة

إيمان العادلى

معلومـات فـى الطبخ
١- تبلي دقيق السمك ب (ملح وفلفل وكمون وشطة ونشا وبيكنج بودر) قبل القلي
٢- العيش الفينو قبل ماتعمليه سندوتشات شيلي القلب واقطعي الحروف وحمصيهم
واطحنيهم ضيفي عليهم( توم بودر وبصل بودر وبابريكا وملح وفلفل ونشا وبيكنج بودر )
ل لبانيه والفراخ المقرمشة
٣- الباذنجان المخلل ضيفي نعناع ناشف مع التوم
٤- ضيفى ملعقة سكر في صلصة المكرونة
٥- البطاطس قبل ماتحمريها اسلقيها عشر دقائق في ميه وملح هتلاقيها بتقرمش ومش بتشرب زيت
٦- ضيفى رشة لبن بودرة علي وش البشاميل
٧- ضيفى ملعقة خل في الكيك هيخليه هش وطرى
٨- ضيفى معلقه عسل اسمر في تتبيلة الفراخ المشوية
٩- ضيفى كوب زبادي في تتبيلة البانيه
١٠- حطى ملعقة بيكنج بودر في الشوربة اللي هتسقي فيها الرقاق ب اللحمه هيبقي مقرمش ومورق معاكى
١١- ضيفى ل الرز ب اللبن كيس كريم شانتيه
١٢- ضيفى رشة زعتر علي صلصة المكرونة ،، هتديكي ريحه طيبه
١٣- ل احلي صلصة مكرونة اضربي مع الطماطم ( توم وفلفل رومي وفلفل حامي )
١٤- إدهني الفراخ والبط واي زفر عمومآ ب (كاتشب وملح وفلفل وقرفة ) قبل ما تدخليها الفرن

١٥- بعد ما تطبخى الرز البسمتي اكشفي الغطا من عليه عشان ميعجنش
١٦- حطى معلقه بيكينج بودر مع اللمون وانتي بتسلقيه عشان يحافظ علي لونه
١٧- وانتي بتقلي البانيه حطي ملعقة زبدة مع الزيت هيبقي طعمه تحفه
١٨-لما تيجي تعملي عجينة كريب حطي تلتين الكوبايه دقيق والتلت نشا هيطلع مقرمش زي بتاع المحلات بالضبط