وصفات العاصمة

البط

إيمان العادلى

طريقة غسيل ونضافة البط :

بتغسلي البطة كويس جدا وبتصفيها ونجيب طبق ونملاه دقيق وملح ونقلبهم ونحطهم ع البطة من بره وجوه وندعك كويس جدا وتشيلي الريش حتلاقيه بيتشال معاكي بسهولة وبعدين تسيبها ربع ساعه

ونشطفها بالمايه كويس لحد ما نلاقي المايه الي نازلة منها نظيفة تماما

وبعدين نحطها ف طبق ونملاه مايه ونحط خل ونعصر ليمونتين ونحط قشرهم معاها ١٠ دقايق وبعدين نشطفها كويس حتلاقيها نظفت وبقت بيضة وزي الفل

طريقة الطهي :

نبشر بصلة كبيرة ونحط عليها ملح وفلفل وزعتر بيخلي طعمها وريحتها حلوة ونسيبها نص ساعه

ونجيب حلة ونملاها مايه ونحط فيها جزرة وطمطماية متقطعين وحبهان وقرنفل وورق لورا واما تغلي نحط البطة

طريقة تحمير البطة :

نجيب طبق ونحط فيه معلقة كبيره من شوربة البطة ومعلقة صلصه وملح وفلفل ونقلبهم وندهن البطة من كل ناحية ونحطها ف صينية وع الفرن ع نار  عالية لحد ما تحمر معاكى