السعرات الفاضيه!!!!

كتبت /هدي الالفي

اخصائيه التغذيه العلاجيه

سمعنا كتيير عن مصطلح السعرات الفاضيه ..والنهارده هانعرف مع بعض ايه هي ؟

لما بتدخل السوبر ماركت ف انت داخل على مكان كله سعرات فاضية ،

بمعني انها كل الاغذيه اللي مليانه سكريات ودهون مشبعه ودي طبعا القيمه الغذاءيه بتاعتها قليله ، ودا بيسببلك زيادة الوزن ، وكمان سوء التغذية ، زي ان يكون عندك فقر ف فيتامينات ومعادن مختلفة

فالذلك لازم تقرا المكتوب ع المنتج ، دوّر ف نسب الدهون الصلبة والسكريات المضافة.

المكونات دي للأسف بتخلي المنتج طعمه حلو جدا ، إلا انها مش بتدّي جسمك المغذيات اللي محتاجها

ولذلك .. تجنّب اوقلل الكيك الجاهز ، الكوكيز ، الحلويات ،والبسكويت،الشيكولاتات و الدوناتس ،

لانهم مليانين دهون صلبة وسكريات ..

تجنّب المياه الغازية ، مشروبات الطاقة ، والعصاير .. اللي مليانة سكر ..

ابعد او قلل عن الجبن ، الايسكريم وكل منتجات الألبان كاملة الدسم لان فيها نسبه دهون صلبه عاليه جدا

ابعد عن الوجبات السريعة زي البيتزا والبرجر ، البطاطس المقلية

طيب كدا ايه المسموح والمفيد ؟؟؟!!!

هقولك .. خبراء التغذية بينصحوا دايما ، ان على مدار اليوم متاخدش اكتر من 30% من سعراتك من الدهون ، ومش أكتر من 3_6معالق صغيرة من السكر ..

ركّز ف الأكل اللي مش مصنع ، الحاجة اللي جيالك مباشر من الأرض او من المزرعة ..

الفواكه الطازة ، الخضروات ، الحبوب الكاملة ، اللحوم البيضاء ، البقول ، منتجات الألبان من جبن وزبادي ولكن متوسطة إلى قليلة الدسم …..يهمنا صحتك