السلام عليكم
أنا اسف والله اني ببعت لحضرتك كتير بس بجد بحتاج راي
وبتعلم من رد الناس
دلوقتي زوجي اي حاجه تحصل أنا غلطانه اي حاجه ف الدنيا
غلط او مشكله أنا سببها ركنت العربيه ورجعنا لقيتها متخربشهً
مثلا قامت الدنيا وحرب وزعيق وانا مبفهمش وانا غلط وتفكيري
غلط
الولاد اتغدو وشويه جعانين انتي غلط وأكلك ليهم مش صحي
ومبياكلوش كويس وخناقه موبيل فصل شحن انتي مهمله وانا زهقت منك
أنا اقسم بالله بتجنبه خالص ومبردش عليه بس بجد تعبت من
عصبيه ع اتفه الامور والله ف مواقف محرجه احكيها ل حضرتك
دا مره موبيله اتسرق وانا مش معاه أصلا قالي انتي السبب
عشان وترتيني الصبح والله ف مواقف ف شغله بيقول عليا أنا
السبب فيها لما يغلط يقول أنا اسبب من كتر زني ف طلبي او
حاجه عاوزاها أنا والله ويشهد عليا ربنا بقابل كل عصبيه
بسكوت بس عاوزه حل
رد بريد قراء بوابة العاصمة
مفيش حل والشخصيه دى عشرتها صعبه جداااا ومرهقه نفسياً .
الانسان كثير الانتقاد بيبقى عنده نقص اصلاً وبيعمل اسقاط
عالشخص اللى معاه . دى مش مجرد عصبيه .وحتى لو قولتلك
اتجنبيه وطنشيه وانت بتعملى كده فعلاً حالياً هيجى عليكى
وقت وهتنفجرى . كتر الضغط يولد الانفجار . وما اظنش حتى
ده هيجيب معاه نتيجه بالعكس ممكن يتقمص ويطلعك انت
الغلطانه بردو وفى احسن الظروف هيتعدل يومين ويرجع تانى
. مفيش حل غير انك تتقبليه بعيبه لو عايزه تكملى معاه
يجب عليك تسجيل الدخول لكتابة تعليق.