متجوزه من سنه الجوازه رقم 2 وعندي 3 اولاد من زوجي السابق وهما كل حياتي
هما عايشين مع والدهم وبيجولي زياره كل اسبوع عند والدتي
وبنقعد مع بعض وهما معايا علطول عالتليفون وعارفه عنهم كل
حاجه ف حياتهم مش رمياهم انا اعرف عنهم كل تفاصيلهم اللي
والدهم اللي عايشين معاه ميعرفهاش وبجبلهم اي حاجه نفسهم
فيها وتقريباً مصاريفهم كلها انا اللي بقوم بيها لان والدهم عايش
على قد حاله ولما اتجوزت كان شرطي للجواز انه ميمنعنيش
عن ولادي وافضل اشوفهم ونتقابل علطول لانهم متعلقين بيا
اوي وهو وافق ورحب جداً ومن بعد الجواز بشويه حسيت ان
الموضوع مش جي على هواه وبيوافق بالعافيه وكل خناقنا
بسبب ولادي واني بروح اشوفهم ودلوقتي حالف عليا بالطلاق
اني مرحش لولادي وقالي لو ابوكي راجل يوريني هتروحي ازاي
ولازم هما كمان يتضرو زيي مش هتضر لوحدي.. هو شايف انه
متضرر من اني بسيبه واروحلهم واني كمان بروح شغلي مع انه
عارف كل ده من قبل الجواز وكان موافق
انا دلوقتي مش عارفه اعمل ايه اسيبه واروح لولادي ويعمل
اللي يعمله ولا اكسر قلب ولادي اللي بيستنو اليوم ده بفارغ
الصبر واقعد واسكت
بجد هاموت ومش عارفه اتصرف ازاي
نسيت اقولك ان ولادي كانو عايشين مع والدهم من قبل مااتجوز يعني مش عايشين معايا
انا كنت عايشه لوحدي وعشان كده اتجوزت عشان مبقاش لوحدي علطول
ياريت تعرض مشكلتي من غير اسم
لاني تعبانه اوي ومش قادره افكر ومش عارفه اتصرف
رد بريد قراء بوابة العاصمة
طالما محتارة يبقي ولادك مش أولوية عندك للأسف
المقدمه الطويلة اللى قولتيها قبل المشكله ماهي الا اقناع
لنفسك انك متخلتيش عن ولادك وبتحاولي تقنعي نفسك انك مش مقصره
اجابة السؤال عند حضرتك
بالتوفيق
يجب عليك تسجيل الدخول لكتابة تعليق.