لو سمحتم انا فى موقف ومش عارفه اعمل ايه انا زوجه معلقة وانا اللى مسؤله عن ولادى ابوهم سابنا دلوقتى انا ساكنه ايجار وغالى وانا موظفه وماحيلتيش غير مرتبى وعندى ٢٠جرام دهب

ممكن ابيع منهم أعمل عمليه لبنتى لأنها تعبانه جدا وووالدى عالمعاش جوز اخويا استلف عشان يساعده مع أنه عنده ارض اه مش كتير بس استلف وقال ربنا يسهل ويسد للأسف وسعت منه مديون فوق ال٢٠٠الف وكل بدأ يطالبه واخويا شال أيده من الديون ووالدى حاول يعمل قرض البنوك رفضت عشان هو فوق ال٦٥ ووالدى مافيش قدامه غيرى انا عايشه بعيد عنهم بس اخواتى كلهم اتخلوا عنى وعن والدى والدى عايزنى أعمل قرض بمبلغ كبير واللى هيتخصم هيدفعهولى من المعاش أو انا تبيع الدهب وادهوله واقولها دى جمعيه وخليه يدفع المعاش ليا كل شهر وولا ماليش دعوه بالحوار وارفض وممكن والدى يموت فيها مافيش غيرى قدامه مع العلم اخويا بيشتغل ومراته معاها دهبها بس مالهمش دعوه خالص مع العلم عمليه بنتى قربت عمليه كبيرة فى رأسها وماحدش ليه دعوة بجنيه فى مصاريف ولادى اخويا بقوله عالقرض بيقولى ماحدش قالك اعملى قولتله لأ قالى أعمل ايه دلونى مش ببطل عياط

رد بريد قراء بوابة العاصمة

بلاش تتدخلي احسن الارض تتباع وتسد الديون اخوكي اللي شال يده مع انها فلوس جوازه لو لاقدر الله باباكي توفي هياخد نصيبه من الأرض وممكن ياخدها كلها ومش هيفتكر اللي عملته وهتفضلي انتي تدفعي أقساط قرض مالكيش فيه حاجة غير انه هيدخل عليكي بالخراب