كلام في سرك
كتبت / فاطمة عبدالواسع
كلام في سرك .
انا بجد احسن منك.
انا الي قولت و صدقت في كلمتي .
وعمري ماهزتني دنيتي.
ولا خذلتني ضحكتي .
ولا دلست في نيتي .
ولا سلمت لصدمة .
ولا انحنيت بدمعة .
أصل جدعنتي سيف للظروف.
تقطع فيها وفي الاخر تفوز .
ولا عمري يوم سكت واتهزيت.
زيك انت او ما واجهت .
انحنيت واتكسرت.
والسهل بقي عندك صعب .
وتأثرت بكلام ناس عمرهم ماحسوا بالحب .
اصل للاسف قلبك طري مش قلب صلب .
التهويش يأثر فيه ويقنعه ان حبه ذنب .
الجدع عمره ما يخدع الي منه ولا اليوم سلمله .
الحكاية وما فيها انك انت من الاخر هم.
اه هم ع الي يعرفك وينخدع في صورتك وانت اصلا من جوه هش .
معلش اصل وشك ملامحه تشد .
ع عكس قلبك ضعيف الي معدي عليه بيشد.
وشخصيتك مش قوية صوت وبس.
ورجولتك مش عفية بالخفيف تتهد.
ناقصة كتير ومحتاجة الي يعلمها الجد.
حتي الهوي الي تتنفسه ملوث خالي من الصدق.
ولسانك استاذ حورات وكدب
ومواقفك كلها ماتتذكرش.
شوية تزويق ع شوية ضحك.
واحساسك ههه ااه من احساسك كله كدب .
مانا قولتلك أصل قلبك طري مش قلب صلب.
خدها مني حكمة الحب عمره يا..
ماكان ذنب.
محتاج رجل يصدق في عهد.
