قرية ملعونة

إيمان العادلى

يعني ايه اكون قاعد في العيادة وفي نص الليل الباب يخبط، اطلع عشان افتح الباب الاقي واحد مش قادر

يصلب طوله، يقع على الأرض واشوف قدامي اغرب منظر عمري ما شفته في حياتي…

في البداية انا الدكتور خالد جالي جواب نقل لقرية…….
عشان اكون دكتور مستوصف القرية واول ليلة قضتها في المستوصف حصل لي اللي هحكيهلكم دلوقتي

——–

شوفت قدامي شاب في التلاتينات بيتنفض زي مايكون عنده حالة صرع وعمال يصرخ اني ألحقوا، مش عارف

اتصرف، الشاب بدأ يخرج من جسمه دود اسود صغير جدا واللي بيخرج ده مينفعش يخرج من جسم حي ده

يخرج من جسم ميت وبيتحلل!!
يعني ايه الشاب ده بيتحلل وهو حي!!
ايوه بيتحلل لان الدود كَل جسمه كله لحد ما ظهر الهيكل العظمي!!!

صرخت بعلو صوتي عشان الاقي الباب العيادة بيخبط بعنف، وقفت مكاني مش قادر أتحرك من الرعب، جثة الشاب أو الهيكل العظمي للشاب لسه موجودة مكانها على الأرض..

الباب اتفتح من كتر التخبيط عليه، لقيت اكتر من عشر أشخاص دخلوا العيادة، بكل هدوء شالوا الهيكل العظمي وخرجوا معادة واحد.. ده فضل في العيادة

قرب عليا وقال لي:

– كل اللي هتشوفو في القرية ميخرجش بره وإلا هتتأذي منهم, عاوز تعيش بنا ملكش دعوه بالي بيحصل حواليك

قال كلامه وخرج.

**********

تاني يوم الساعة كانت ١٠ مساءً كنت بشتري حجات ليا من المركز ورجعت القرية الساعة عشرة.

قبل المستوصف في مقابر لازم اعدي وسطها، ماكنتش حابب امشي في المقابر في ساعة زي دي لكن ما فيش طريق غيره عشان اوصل للمستوصف..

عديت وسط المقابر الجو ضلمه يادوب نور القمر مبين لي الطريق اللي بمشي فيه..

فضلت ماشي لحد ما وقفت على صوت حد بيتوجع!!
وقفت مكاني وبصيت حواليا، شوفت على الأرض جسم

مرمي، ولما قربت اكتر للجسم، عرفت انه جسم لشابه.
بتحاول تتكلم لكن صوتها بيخرج بحشرجة كأنها بتطلع في الروح.

انا خوفت اقرب منها اكتر من كده لان مش عارف ايه اللي هيحصل بعد كده.
رجعت كام خطوة لورا وفضلت باصص لجسم البنت
نفس المشهد بيتكرر من تاني

دود اسود صغير بيخرج من جسمها!!
الدود بياكل في جسمها لحد ما ظهر الهيكل العظمي!!
في اللحظة دي جسمي اتخشب لما شوفت قبر مفتوح بيخرج منه دود كتير اوي!!

نفس الدود الاسود اللي كان بياكل جسم البنت وهي حيه!!
واللي زاد الطين بله كائن اسود خرج من التربه!!

اتصرف ازاي دلوقتي، جسمي مخشب ومش عارف احركه، في وسط ده كله أيد مسكت كتفي من ورا ضهري!!
جسمي اتنفض وحصله رعشه جامدة، بصيت ورايا عشان اعرف ايه الشيء اللي مسكني من كتفي، راجل في الخمسينات مسك ايدي وسحبني

وهو بيقول لي:
– أجري دلوقتي و هفهمك كل حاجه
جريت معاه وانا مش فاهم ايه اللي بيحصل لحد ما وصلنا لاوضة صغيرة، فتح الباب وقالي ادخل، دخلت وبعدها دخل ورايا وقفل الباب.

الأوضة كانت صغيرة مفروشة بحصيرة و كنبه في جانب من الأوضة.

قعدنا وقال لي:
– لولا اني جيت لك كنت زمانك دلوقتي مدفون في القبر والدود بياكلك!!

قلت له بخوف:
– ده إيه و ازاي جسم يخرج منه دود؟! الجثث بتتحلل وهي حيه!! وايه الكائن البشع اللي خرج من جوه التربة ده؟! وانت مين اصلا؟ وظهرت لي ازاي وليه؟
سكت شوية وبعدها رد عليا:

– انا الشيخ جبريل أمام مسجد القرية و تربي القرية، هحكيلك كل حاجه دلوقتي بس نصحتي ليك بعد ما تسمع الحكاية تسيب القرية وما ترجعش هنا تاني

*******

من سنين جه سكن في القرية حد غريب عنها مش من اهلها كان شخص غريب اوي قليل الاختلاط مع أهالي

القرية قولنا عادي يمكن يكون حد في حاله.
لكن اللي حصل بعد كده خله أهل القرية كلهم يجمعه

أن الراجل ده مش طبيعي، لان في يوم جالي حد من أهل القرية وقالي أنه شاف الراجل اللي جه سكن جديد

في القرية عند المقابر!! كان بيعمل حجات غريبة عمال يلف حوالين قبر معين ويصرخ ويرقص حوالين القبر زي المجاذيب

انا بصراحه مصدقتوش لكن أنا شفته بعيني بيعمل كده بعدها بيومين.

بعد كده اطفال القرية بدأوا يختفه عن أهلهم وبعدها بيوم يلاقوهم مدبوحين عند المقابر!!

اهل القرية حصل لهم رعب والقرية كلها اتقلبت
كمان الساكن ده اختفى من القرية مبقاش يظهر أصلا

لكن في ليلة القرية كلها صحيت على نار عماله تلتهم البيوت النار بتتنقل من بيت لبيت ولكن ما بتقربش لبيت الساكن

اهل القرية قرر يقتحمو البيت

اقتحموا البيت فعلا و لقيو الراجل جوه وتم مواجهته أنه هو اللي بيعمل كل ده والغريب أنه ما انكرش قال لهم أيوة انا اللي بعمل ومحدش هيقدر يهوب نحيتي هيتلعن!!

الناس بصو لبعض وهما خايفين لكن واحد من الموجودين زهق في الناس أنهم يهجمو على الراجل ده
فعلا كله هجم على الراجل وهو فضل مكانه مبتسم

الناس خرجوا في وسط القرية وحرقوا !!

سمعنا والنار بتاكل فيه أصوات مرعبه مش هعرف اوصفها!!
الراجل النار مخلتش في حته سليمه!!

الموضوع بدأ مع الوقت يتنسي لحد ما بدأوا اهل

القرية يحكو أنهم بيشوفوا شيء شكله يخوف شيطان بيتجول وسط المقابر وفي منهم اللي بيقول شافوا

الكائن ده في وسط القرية وحد تاني هجم عليه الكائن ده مخلاش في حته سليمه
الموضوع موفقش على كده لأ ده ظهر ما بين سكان القرية مرض أو مش عارف ايه ده

كان بيخلي الواحد يقعد يصرخ من الألم وبعدها دود يخرج من جسمه ياكل فيه كأنه بيتحلل

ده اكيد لعنه الراجل اللي اتحرق نشرها في القرية!!

لكن كل حاجه سكتت عن القرية ومبقاش في حاجه بتحصل لحد ما بيجي نفس اليوم اللي اتحرق فيه يحصل كل اللي حكتهولك.

 

امشي يابني احسن لك القرية دي ملعونه وهتفضل كده على لعنتها.

—–

خلص كلامه وقررت اني همشي من القرية دي اسلم بنفسي من الشر اللي فيها.

خرجت من بيته ورحت على المستوصف اخد كل حاجتي وامشي.

سمعت من وانا جوه المستوصف صوت صريخ عالي أوي جاي من بره!!

خرجت لقيت منظر لو فضلت احكي و اوصف عمري ما هقدر اوصفه

سكان القرية بره بيتهم مرميين على الأرض بيتنفضو زي التعابين وبيصرخو!! دود بيخرج من جسمه عشان ياكل أجسادهم!!
خرجت أجري

معرفش جريت قد ايه لحد ما وصلت للطريق
تعرفوا اني لما بصيت على القرية من مسافة شفت

القرية مهجورة والأدهى من كده اني لما لقيت عربيه على الطريق وركبت السواق قال لي انت ايه اللي مخرجك من هنا

انت ازاي دخلت القرية الملعونه وخرجت منها سليم !!

القرية اصلا اللي رحت عشان اشتغل فيها بعد قرار نقلي مطلعتش القرية دي انا دخلت قرية اتهجرت من زمان لان كل سكنها لقيوهم ميتين!!!

تمت
.
.
.
.