بقلم سهير عسكر
فاكره أول صدفه لينا
لما حكينا والتقينا
حسينا وقتها اننا واحد
عايشين بقلب جامد
وجودنا مع بعض مصبرنا
بنحارب الدنيا المُرة
تفتكر هيجى اللى يكسرنا؟
وياريتنا نقدر نحدد مصيرنا
كنت جيتلك على طول
واتمنى معاك العمر يطول
ويعيد أيامه من تانى
وأكيد هنفضل مع بعض
أصل حبنا مش أنانى
فرحتك تشوفنى مبسوطة
وسعادتى فى بسمة منك
دنيتى خلتنى مربوطة
مش قادرة أقرب منك
لكن أرواحنا بتتلاقى
بتقربنا وتسعدنا
ولا شئ ممكن يبعدنا
يمكن تكون مش ملاك
لكن أنقذتنى من الهلاك
من أحلام ضايعه ومفقودة
وأيام عليا محسوبة
اتمنى تكون موجود فيها
بجمالك تحليها
دنيتنا ولاتسوي حاجة
من غير حبيب يعيش فيها
يجب عليك تسجيل الدخول لكتابة تعليق.