فى ايطار منظومة الإيجارات القديمة التى تسير طمع أصحاب العقار بعد مدة زمنية طويله لكى يقوموا باسترداد شقه او محل يقومون بفعل اى شيء حتى يقوم المستأجر بترك ما هو علية لكى يستريح من المشاكل التى يقوم بها المؤجر يوميا ومن سياق الحديث أرسلت إلينا سيدة طلب استغاثة حتى تعيش هى وأسرتها فى امان من طمع وجشع المؤجر وصاحب العقار
وجاءت هذه الاستغاثة على لسان الشاكية دون حذف
بدايتا احب اعرفكم انى لدي أبناء معاقين وزوج مريض
بعد التحيه ارجو من حضرتكم الاهتمام مع حضرتك مدام..فايزه زين العابدين على بدوي. من. بنها. شارع. عميش. منشيه. النور من مدينه بنها قليوبيه حضرتك انا ساكنه فى شقه من التسعينات واخده الشقه على اساس انها متشطبه لوكس ولما مضيت العقد ودفعت مبلغ 5000ج المفروض انهم تامين للشقه اللى هيا ايجار قديم لقيت الشقه متنفش سكن المهم حضرتك جوزى صرف على الشقه وجهزها وشطبها من كل حاجه وطلبنا من صاحب البيت انو يدينا الفلوس اللى دفعناها رفض المهم مطولش على حضرتك دلوقتى انا ف الشقه دى من التسعينات وبقالى 7 شهور دلوقتى المياه مقطوعه عن البيت وبنت صاحب البيت مش عوزه توصل المياه للبيت وعامله معايه مشاكل مع انى قولتلها شوفى انا ادفع اد ايه ف التوصيل ووصلى للبيت الميه وغير كده جابه ساكنه ف الدور الارضى بنت من دور بنتى بس مش محترمه خالص ومش سيبانى ف حالى ولا انا ولا ولادى وعلطول عامله معايه مشاكل ورحت اشتكيت لبنت صاحب البيت قالتلى انا مليش دعوه اللى تعرف تطلع التانيه تطلعها وانا ست كبيره وجوزى مش بيشتغل تعبان وولادى الاتنين معاقين وعندى اوراق تسبت كل ده انا مش حمل المشاكل دى البنت الساكنه مش سيبانى فى حالى واشتكيتها كتير ف القسم ومش بيحصل لها حاجه علشان بتروح تشتكى وهيا ليها حد ف القسم وصاحبة البيت شغاله ف مجلس المدينه ومستخدمه وظيفتها انها تمنع توصيل الميه عن البيت وكانت جايه البيت من فتره وعايزه تقطع الكهربه عن الشقه وحصلت مشكله وهددتنى انها مش هتسيبنى غير لما تطلعنى من الشقه وانا مش حمل كده والله العظيم انا تعبت 7شهور حضرتك من غير ميه ف البيت ومحدش سائل فيه وانا على اد حالى ارجو من سادتكم المساعده
يجب عليك تسجيل الدخول لكتابة تعليق.