راجعين
خالد المنصوري/مصر
راجعين من سنين ندورعلي الحنين
تايهين ترمينى موجه شمال وموجة يمين
روحت وجيت وقلت ياشط أنت فين؟
قالى عاوز ايه؟.قولتلو ماتعرفش أنا مين؟
قالى لو مش عارفك مش هرد ولو بعد سنين
قولتله كترت أهاتى والقلب اتملى بالانين
قالى يابني عيش ده اللى راحو مش راجعين
قولتله لا راجعين أنا سمعاهم هما لسه عايشين
قالى اللى راح كتير واللى باقى عند العليم
قولتلو عاوز اجرى ع الصراط المستقيم
واشد كل حبايبى وأنسيهم الماضي الاليم
قالى مفيش مستحيل بس انسى الماضي القديم
طيب يا شط مين ياخد قلبى الحزين
ويدينى قلب يقدر يرقص علي الرنين
قلي دور ع قلب تلاقي فيه الحنين
يرميلك الهواء فى سكه العاشقين
قلتلو شفت عيون بتبكى المجروحين
قلي الجرح كبير وبيتعب العايشين
روحت أدور بين الشوارع والبيوت
علي ذكري كانت بينا مش ممكن تموت
وتحت شباكهم يرميني الحنين
عمال أقدم خطوه وأرجع خطوتين
قلي خلاص الذكريات مش راح تعود
عيش حياتك وفرح اللي عايشين
راجعين ندور علي الحنين
علي ذكري جوانا عايشه من سنين
خالد المنصوري/مصر
يجب عليك تسجيل الدخول لكتابة تعليق.