أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة الثامنة والعشرون
(الجزء الثانى ) أفتاكسات زوج صايم
إلهام وممدوح
بعد الخناقات والمشاحنات والغيرة وسنينها اللى جات مع الحظر
إلهام وممدوح فطروا وشربوا الشاى وهوبة
خالد : ماما حتغدينا أيه النهاردة
إلهام : مفيش مساء الخير صاحى على الاكل علطول ( طالع لأبوك همك على بطنك)
خالد : مساء الخير والسعادة
ها حنتغدى ايه النهاردة بعد خناقتك على الصبح انتى وبابا والراجل بتاع الكهربا
ماما (بصوت واطى ) بابا الحظر خلاه صعب أووى وبقى يدقق فى كل حاجة
إلهام : أيوة يا واد زى مايكون كان مسافر ومش عايش معانا
خالد : حتأكلينا ايه بقى النهاردة
إلهام : سبانخ
خالد : ماما انتي عارفة اني ماباكلش سبانخ.. طبخاها ليه بقى؟
إلهام : عشان فيها حديد وهتقوي مناعتك من الكورونا
خالد : وانتي مالقتيش في أكل ربنا كله حاجة تزود مناعتي غير السبانخ؟
إلهام : والله مش عاجبك أكل أمك روح كُل برة.
خالد :مانتي عارفة ان فيه حظر تجول ومفيش محلات أكل مفتوحة
-إلهام : خلاص يبقى كُل سبانخ
خالد : مش عايز سبانخ.. انا حتغدى ساندوتش جبنة
إلهام : مفيش جبنة..
-خالد :مفيش ازاي؟ دي التلاجة كانت مليانة إمبارح
إلهام : مانا رشيت عليها ملح وخزّنتها علشان الحظر
خالد : ححمّر بطاطس من أللى فى الفريزر
-إلهام :واد انت بطل صداع وعلى الله تقرب من التلاجة
خالد : طيب آكل ايه دلوقتي يعني؟!
إلهام : كُل سبانخ من بتاعة أمك
خالد : ماما انا عايش معاكي من زمان وانتي عارفة اني مابحبهاش
إلهام : مش عاجبك أكل أمك روح كُل برة
– والحظر؟
– مش مشكلتي
خالد : بااااابا يا باااابا تعالى شوف الست مراتك وعمايلها
ممدوح : يادى الوش اللى انا فيه
مش كفاية الحظر
إلهاااااام يا إلهام فى أيه
بكرة حنعرف فى ايه وياترى إلهام حتركب راسها وتعمل سبانخ ولا ايه
أستنونى
يجب عليك تسجيل الدخول لكتابة تعليق.