أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة الثامنة و الثلاثون
(الجزء الثانى ) أفتاكسات زوج صايم
إلهام وممدوح
ممدوح ضرب الحنفية بالمفتاح وهوب الميه ضربت وغرقت الحوض وعمالة تضرب فى كل حته
و ٠٠٠٠٠٠٠
ممدوح : إلهام ألحقى المحبس بسرعة
إلهام : يا لهوى من عمايل جوزى
ماقلتلك يا دوحة حتخربها مصدقتنيش
ممدوح : إقفلى يلا بسرعة وإخلصى قبل ما الشقة تغرق
إلهام : حاضر أهو بقفله ( جوزى خرابة عمره ماعمل حاجة ونفعت )
قفلته خلاص اهو
ممدوح : يا ساتر مش عارف مالها الحنفية دى ايه جرى لها
أخد نفسى ومش حسيبها غير أما أصلحها
إلهام تعالى إعمليلى كوباية شاى مزاج كده علشان أشتغل
إلهام : حعملك الشاى يا حبيبى بس والنبى سيب الحنفية حكلم فتحى السباك يجى يكمل هو ( أهو خربها وعلى رأى البت رهف الحاجة أللى كانت حتتصلح بقرشين حتتصلح ب 10 قروش )
ممدوح : لا ممكن أبدآ أنا اللى حصلحها بقولك وسعى كده
إلهام : بلاش يا ممدوح خلى اليوم يعدى ومنتخانقش مرة واحدة
ممدوح : يووووة جينا بقى للنكد وكلامك أللى ملوش لازمة
خالد : بابا يا بابا موبايلك عمال يرن عمو مصطفى شريكك بيرن عليك
ممدوح : مصطفى أنقذك منى أخلص منه وأرجع للحنفية
إلهام : ماشى انا اللى غلطانة زى كل مرة
رهف : ماما إلحقى كلمى فتحى السباك بسرعة قبل بابا ما يجى تانى
إلهام : صح يا بت يا رهف
هاتى الفون أكلمه
ألو أيوة يا عم فتحى عاوزاك والنبى تيجى تشوفلى حنفية المطبخ
ماشى مستنياك أهو
ممدوح شغال يتكلم فى الفون ونسى الحنفية وفتحى السباك وصل البيت و٠٠٠٠
فتحى السباك : أيه ده يا مدام أيه اللى كسر الخلاط كده
إلهام : خلاط ايه بس اللى أتكسر دى الحنفية بس اللى باظت ولا القلب شوف كده تانى
فتحى السباك : يا مدام بقول لحضرتك حد خبط الخلاط كسره نصين
ألا هو مين اللى خبطه كده
إلهام : أهو اللى خبطه وخلاص يادى الوقعة السودة والخلاط ده بكام يا عم فتحى
فتحى السباك : معاكى من 500ج وطالع حسب نوعه صينى ولا إيطالى
إلهام : يا لهووى ماله غالى كده ليه
مفيش أسعار حنينة عن كده
فتحى السباك : يا مدام ما أنا بقولك فى ب 500 صينى أمال لو قلتلك على سعر الإيطالى تعملى أيه
إلهام : ( صينى كمان مش كفاية كورونا والحظر وقعدة ممدوح المهببة فى البيت )
فتحى السباك : بتقولى حاجة يا مدام
إلهام : مبقولش ده أنا بكلم نفسى
ثوانى أجيب لك الفلوس
ممدوح يا حبيبى عاوزة 500ج للسباك علشان انت كسرت الخلاط
ممدوح : 500 ايه يا هانم
مش قلتلك متكلميش حد
اهو انتى بقى بتجيبى النكد لنفسك
إلهام : دوحة يا حبيبى عيب كده السباك برة وعاوز الفلوس وبعدين انت اللى كسرته كالعادة يا دوحة
وأنا يا حبيبى بصلح أخطائك
هات الفلوس من سكات وبلاش فضايح
ممدوح : فضايح ده أنتى لسه حتشوفيها أصبرى عليا
مش كفاية طلبتى السباك وأنا موجود ومخدتيش إذنى
إلهام : معهلش حقك عليا أنا غلطانة وأستاهل ولا أقولك أنا اللى دبيت الخلاط بالمفتاح وكسرته
ممدوح : ماشى يا هانم مش حعمل فضايح علشان السباك ميتفرجش علينا خدى الفلوس اهو
بس مخصومة من مصروف البيت لباقى الشهر
إلهام : يا لهوووووى ليه أن شاء الله هو أنا أللى كسرته
يا عينى عليك يا إلهام اه يا أناااا من جوزى وعمايله
ومن الحظر وأفتكاساته
أستنونى بكرة ونشوف الحظر وعمايله مع ممدوح وإلهام
يجب عليك تسجيل الدخول لكتابة تعليق.