ولاء حجازى …..و قصيدة (قلبي)

شعر ولاء حجازى

الدقهلية
قصيدة (قلبي)

…
وحيرة قلبي تعبتنى
وبتشعبط ف احلامى

وناس منى وظلمتنى
وحتى،،،،الفرحة نسيانى

ومين جنبي ومين فاتنى
وليه الحزن عنواااانى

سنين عمرى قوام عدت
لناس والله ما تستاهل

لا عشت بجد ولا هدت
وباعوا العشرة بالساهل

وجيت أسأل ولا ردت
واقول قلبي ما يستاهل

بدمع العين قوام جاوبت
وارد واقول ما هتساهل

وصبري كبير قوى فيها
وتعبان قلبي من يومى

بحور الصبر اعديهااااا
وادارى حزنى وهمومى

وعايزة دنيتى جنة ةةة
ماليها البهجة والفرحة

واطلب فيها واتمنى
نسايم حبها طارحة