وصفات العاصمة
إيمان العادلى
تورتة الآيس كريم
الطريقة :
250 جرام بسكويت سادة أي نوع تحبيه تطحنيهم ف الكبة وتضيفي عليهم ربع كوب زبدة سايحة وتضربيهم سوا
وف صينية التشيز كيك تحطي طبقة البسكويت وتفرديها وتدخليها الثلاجة تتماسك لحد ما تعملي الآيس كريم
بالنسبة للآيس كريم بقى
ممكن تعمليه طبيعي من الفاكهة الي عندك أو تجبيه بودر من السوبر ماركت وتضربيه باللبن
بتحطي اي نوع فاكهة ف الكبة وتكون قطع ومثلجة وعليها كوب كريمة خفق وكوب لبن مكثف محلي ونص كوب كريم شانتيه خام وتضربيهم ومش هنحط سكر لان اللبن محلي
بالنسبة لآيس كريم الفانيليا بتحطي كريمة الخفق مع اللبن المكثف المحلي والكريم شانتيه الخام وتحطي فانيليا سايلة مش بودر
نرجع للتورتة بتاعتنا تاني
بعد ما عملنا اول نوع من الآيس كريم بنجيب الصينية ونحط تاني طبقة بعد البسكوت وندخل الفريزر حوالي نص ساعة عشان يتماسك وميخطلتش بالطبقة التالتة
وبعد النص ساعة نضيف الطبقة التالتة وتدخل الفريز تاني مش اقل من ساعتين تلاتة ونذوقها زي ما نحب وبالهنا والشفا
