كتب: رضا بدير الجيزة
فعل الخير وحب الوطن دول مش سياسه دول تربيه وأصول نابعه من العقيدة والروح الأنسانيه لو
حبيت وطنك واحترمت اللي اكبر منك وأديت عملك بأخلاص وضمير كده أنته مشارك معانٍا في مبادره معا نستطيع فيه أبسط من كده
لإعادة تأصيل الهوية المصرية واستعادة القيم المصرية الأصيلة التي اندثرت في ظل التأثير المباشر والخطير لوسائل التواصل الاجتماعي علي الأسرة المصرية .
ازاااااي ؟انا هقولك …
ارجع بوس ايد ابوك وامك كل يوم الصبح قبل ما تروح شغلك أو مدرستك وخليهم يدعولك
دعوة حلوة تخلي نهارك نادي وسعيد ويفتح لك ابواب الرزق و ييسر لك امورك…
حاول ترجع للمة العيلة من جديد عالغدا … واحبس بكباية شاي مع ابوك وامك وأخواتك …
ارجع خد اختك في حضنك واسألها عن مشاكلها وطبطب عليها وحسسها أن لها ضهر وسند …
ارجع تابع اخوك الصغير في دراستة واشرحلة مسألة مش فاهمها …
أسأل علي صاحبك وجارك اللي متربي معاك سواء حنا ولا جرجس ولا عبدالرحمن أو محمد …واتفقوا ترجعوا تتقابلوا وتلعبوا كورة زي زمان …
طبق المثل اللي بيقول اللي ملوش كبير بيشتريله كبير … صدقني لو ابتديت ده وكل واحد عمل كده … هتبقي أول خطوة لإعادة الأصالة المصرية واللي احنا بنسميها كأولاد بلد … جدعنة المصرين …
اياك تحارب احد في رزقه..لأن الله سيفتح له الف باب لرزقه
وفي السماء رزقكم وماتوعدون فيه ابسط من كده انك تتمني ان ربنا يرزق كل الناس لان الرزق
بيد الله ومحدش بياخد رزق حد كده أنته مشارك معانٍا في المبادره معا نستطيع قيه أبسط من كده مشاركه
صدقني معا نستطيع إعادة الهوية المصرية …
صور المؤسسين للمبادره ومازال باب المشاركه المجتمعيه مفتوح دون اي انتماء حزبي أوسياسي مهما كان انتمائك الحزبي في المبادره كلنا مواطنيين مصريين
المؤسسين للمبادرة
معالي السفير محمد عبد الغفار راعي المبادره
د. مختار القاضي احد مؤسسين المبادرة
الباحث السياسي في العلاقات الدولية وليد نجا
الاعلامية داليا محسن
الكاتب الصحفي أحمد خطاب
الكاتب الصحفي رضا بدير
يجب عليك تسجيل الدخول لكتابة تعليق.