لما تهون العشره

لما تهون العشره
كتبت :د علا علي

لما تهون ف عنيك العشره
ويروح لون الدهب القشره

يبقي نقول ع الدنيا سلام
لما تبيع العيش و…..الملح

وقت الحزن ووقت الفرح
يبقي خلاص مش ناقصه ملام

لما سنينا تروح كده عادي
بدل الود قوام….. بنعادي

يبقي اننا واحد ….اوهام
لما بياكل حي….. للحمك

تلقيح مع تشويه لملامحك
كده لمؤاخده …الاصل تمام؟؟؟؟

صاحبك سهمه فيوم ما يصيبك
يحفظ غيبتك……يستر عيبك

مش مع طوب الارض يعيبك
نقطه.. وقفله لأي……. كلام