صباح الورد بقلم سهير عسكر

كل يوم يهدينى وردة
كل يوم حُبُه بيهدى
كل يوم يجيلى بحجه
وانا دايماً فاكره الورد
وبستناه يحفظ الود
يرجع يبعد
وحُبُه يهدى
ويسكتنى برضه بوردة
ليلى طال
وهمى زاد
مش قادرة أشكى
من البعاد
كفاية أبص على كل وردة
وافتكر زمن المحبة
لحد يوم ما وردُه مات
ولونه راح
وساب جراح
فكرتنى باللى راح
فكرتنى بالذكريات
وردتك لو يوم رويتها
بمحبتك وجيت راعيتها
أحسن كتير
من المراسيل
إحفظ عهودك
وصون ورودك
دا هيجى يوم
تندم عليه
وتجيلى فيه
وساعتها يابيه
لا هينفع فيه لا كلام ولا ورد