شكوة رجل

بقلم سهير عسكر
هتقومى تجهزى الغدا
وللا أدوس على رقبتك أكسرها
هتضيعينى يامؤذية
وبسببك حياتى هخسرها
طول النهار قدام الفيس
ومنك هطق من الغيظ
بتتفرجى ع الشيف الشربينى
ولاعارفه تطبخى ولا تهببي
منك لله ياريت ترحمينى
دا انتى طول النهار بتشتكى
ويقولك قال حقوق المرأة
دى فقعت مرارتى
ودماغى منها وارمه
بلاش النكد والعيشة المهببة
إكمنك زرقا وحلوة
هتشوفى عليا نفسك
لأ إصحى يا ماما أنا مش هبه
دا أنا راجل واعرف أأدبك
سايبة البيت يضرب يقلب
دا انا لسه ياما هشرب
هو مين ياشيخة اللى شار بيكى
طاب ييجى هو يربيكى
بس فالحة هات بامبرز وزبادى
وعايزة واحد يدلع ويدادى
هو انتى مش بتردى ليه
وعينيكى إحمرت كده ليه
طاب ألحق اصحابى ع القهوة
دى بتبصلى وهتبدأ السهرة