برجك اليوم   20 ( ديسمبر) 2019

 

إيمان العادلى

 

#الحمل

 

حاول تروق وماتصعد الخلافات وعزز شراكاتك ..

لازم تعرف تتصرف وتكون هادي ودبلماسي وبدي منك بهاليوم تحافظ على مسافة أمان مع المحيطين فيك وتبعد قدر الامكان عن المواجهات وتحاول تعزز شراكاتك بهدوء ليمر هاليوم بدون مشاكل مع المحيطين ..

عاطفيا : الوضع العاطفي متوتر كتير بدك تكون متفهم والشريك يتجنب استفزازك لتكمل اي علاقة عندك ..

 

#الثور

 

عندك بداية شغل ولازم تكون جاهز وانتبه صحيا ..

عم يكون يومك متعب وعندك التزامات جديدة وشغل و بدك تلحق كل شي بوقتو والوقت ضيق مشان هيك رتب امورك وخلص كل شي ضروري وكمان انتبهلي على صحتك ولاتهملها ويمكن تبدا شغل جديد ..

عاطفيا : الامور العاطفية بحاجة لاهتمام منك وخاصة اذا الشريك ماعم يقدر ظروفك ..

 

#الجوزاء

 

خبر حلو وحلول وعاطفة افضل ..

من الأيام الجيدة عندك بتتغير امورك وبيتحسن وضعك وخاصة بعد المشاكل والتعب يلي مريت فيه ورح يكون في تغيير لصالحك وحلول لمشاكل عندك وفرص مهنية جديدة بتساعدك لتطلع من حالتك ..

عاطفيا : استغل هاليوم لتكون ساحر وجذاب

 

#السرطان

 

هدي بوضعك العائلي وقصة عقار بتشغلك ..

عم تنفعل بسرعة ويمكن مو رايق والمقربين عم يكونوا متعبين الك بهاليوم وعم يكون عندك ضغوط وعم ينشغل بالك على احد الأهل كمان عم تفكر تغير بمكان سكنك وبيشغل موضوع عقاري وانتبه صحيا ..

عاطفيا : في شي ماعم يخليك ترتاح من ناحية الشريك بس الاوضاع العامة منيحة ..

 

#الأسد

 

عم تخلص شغلك وتقدر تنجح بهاليوم ..

استغل هيك يوم ومنيح يومك لتتحرك وفي عندك فرص لتسافر سفرات قصيرة وتتعرف على عالم كتار وبالمجمل في امكانية انو تتلقى اتصالات من ناس مهمة وتنحل عندك بعض الأمور المهنية والمالية وتنجح ..

عاطفيا : تعامل برواق هاليوم وفرصة حلوة انو تلتقي شريك حياتك اذا اعذب او تحسن علاقتك اذا مرتبط ..

 

#العذراء

 

عندك مبلغ مالي وعم تصرف كتير ..

لازم ترتب امورك وتنظم وضعك المالي وعم يكون يوم اهدى من الأيام الماضية وممكن تحس بشوية ملل لكن انت ناطر مبلغ مالي ممكن يجيك وعم تفكر تبيع او تشتري شي وكمان في شغل ببالك بساعدك لتتحسن ..

عاطفيا : بدي منك تتفائل واكيد علاقتك العاطفية ماشية باتجاه الاستقرار اذا عرفت تتعامل ..

 

#الميزان

 

بتتابع بطاقة مرتفعة وحظ معك ..

عم تسيطر بايام جيدة ومهمة وبتحل الأمور تدريجيا وبتتميز وممكن تسمع اخبار حلوة وتتحسن الأوضاع بعد تعب وانشالله رح تشعر بارتياح نسبي وعودة ثقة الناس فيك وتنجح ويكون الحظ معك ..

عاطفيا : استغل هاليوم لتحسم امور العلاقة عندك اما تكفي او تنهي كل شي ..

 

#العقرب

 

موضوع تاعبك بالبيت وتغيير بيزعجك ..

شوية ضغط محتملة ومو كتير مرتاح من الوضع يلي ماعم يمشي متل مابدك كتير ناس عم تخذلك مشان هيك بدي منك تروق وماتحاول تعمل أي شي لتمر هالفترة واكيد لاتعطي اهمية ولاتخلي حدا يستفزك ..

عاطفيا : الوضع العاطفي عندك بيشهد عدم راحة وماتسمح لحدا يستغل عاطفتك ..

 

#القوس

 

يوم منيح مع صديق غالي وبلقاءات حلوة ..

فرصة لتحقق امنية ومميز واجتماعي كمان وعم تكون طلتك غير شكل بتواجد مجموعة كبيرة من الاصدقاء معك وممكن تتلقى عزيمة او تطلع مشوار مع رفقاتك وبتستفيد من صديق عندك بخدمة بتحسن الأمور ..

عاطفيا : استغل قدرتك على جذب الكل بحضورك لتحصل على حب جديد ممكن ..

 

#الجدي

 

فكرة شغل وتطورات بتخص المال فانتبه ..

عم يكون يومك مصيري وشغل عندك ومن الأيام يلي بتتطلب دقة وانتباه وعدم التهاون لان الموضوع عم يكون مع اشخاص مسؤولين عنك فحاول تبحث عن افضل الطرق لتحصل على ترقية وشغل ..

عاطفيا : الوضع العاطفي عندك بحاجة لقررات حاسمة وعدم التهاون مع الشريك ..

 

#الدلو

 

فرص لتغيير وناس جديدة ونجاح ناطرك ..

عم تكون أفضل ويوم للتجديد بفترة بتدعمك ويومك مميز ممكن يحملك سفر وتواصل مع ناس جدد اول مرة بتقابلن كمان عم تقدر توصل رأيك وتكون مقنع بحديثك وهالشي بساعدك لتنجح ..

عاطفيا : الأجواء داعمة والحظ بيدعم علاقاتك وفي فرصة لتتعرف على شريك من غير محيطك المقرب ..

 

#الحوت

 

حاول تحل قصة مالية وتهدي الأجواء ..

يوم بيحملك مصالحات ممكنة بعد ايام عصيبة مرت عليك واثرت على حياتك وفي ورثة بتحصل عليها وبتتعامل بقضية قانونية وهاليوم افضل وفي حلول ومال قادم الك ومصالحات ..

عاطفيا : حاول تحسم امورك مشان وضع العلاقة وادرس كل شي بشكل منيح قبل ماتقرر ..